閃亮白滑肌膚, 由第一步開始

Posted by amylee_admin 2018-04-25 0 Comment(s) 健康美容,

 

 

 

 

每個女仔都夢想有白滑又美麗嘅皮膚, 唔想洗太多錢買美白產品, 只要有PCCWW 就可以。

 

 

 

1.  Prevent=防止黑色素

 

皮膚長期接觸陽光之下, 好易有黑色素嘅形成, 咁我地可以涂一啲防UV同色斑嘅防曬霜, 特別係朝早10點至到下晝2點, 因為呢段時間日照最猛嘅時段。唔想花錢買防曬霜嘅朋友,可以戴太陽眼鏡或者帽子, 可以防曬之餘, 仲可以有型Look!

 

 

 

 

2.  Clean=清潔質層

 

角質層係保護我地皮膚嘅保護幕咁, 所以我地要定期清除佢嘅雜質, 咁就可以加強佢嘅防曬力啦! 而磨砂mask可以幫助我地清角質層。但係, 亦都有啲唔洗點太花錢嘅方法, 譬如可以用綠豆粉或者薏仁粉加水做mask。

 

 

 

 

3.  Clean=定期清潔

 

皮膚日日接觸到好多塵埃, 如果唔清潔嘅話, 就會有好多黑色素積聚, 肌膚又點會白白滑滑呢?但係, 過份咁用洗面液洗面, 會令到皮膚好快無咗角質層, 會變得好乾。有研究指出原來用洗面皂洗面會比液好啲, 因為會溫和啲, 對肌膚造成嘅刺激無咁大。仲有, 我地洗面時, 可以打圈咁洗, 較易保養肌膚!

 

 

 

4.  Whiten=美白

 

講起美白, 一定唔少得一啲美白產品, 但係都有啲較天然嘅方法去擊退黑色素。例如我地可以先製一啲天然美白mask: 蜜糖加檸檬mask, 蘆薈mask, 青瓜mask等等, 全部都係用無添加嘅天然材料。仲有一種mask, 又美白又保濕, 只要將化妝綿噴咗啲化妝水, 當mask 咁用, 就可以美白, 大家不妨試吓!

 

 

 

 

 

5.  Wet=保濕

 

保濕係有閃亮白滑肌膚嘅必須, 因為皮膚唔夠濕, 就無咗原本嘅光澤。我地可以食魚嚟增加Omega 3, 保護皮膚, 以防紫外光直接入侵, 同埋為皮膚注滿咗足夠嘅水分同光亮, 皮膚自然靚靚示人啦!

 

 

 

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...