化妝入門の法, 學咗未?

Posted by amylee_admin 2018-05-02 0 Comment(s) 健康美容,

 

 

 

化妝除咗可以美化自己之外, 仲係一個禮貌嘅表現。如果係初學者, 要化一個簡單丶自然嘅妝容, 大家可以睇吓呢啲入門の法則啦:

 

 

1.  底妝

 

要化一個輕盈丶貼服嘅底妝, 絕對唔難。

 

 

用粉掃嚟化底妝嘅朋友, 要留意掃粉時要用一個快速但輕輕嘅手勢, 咁樣至唔會喺面上留咗掃印。但有個小秘訣, 就係用粉掃大多數係少啲豆豆嘅朋友。

 

 

而唔想太多粉掃落去塊面度嘅朋友, 可以先掃咗啲粉印咗喺隻手, 再掃落塊面, 咁就唔會一次過掃太多粉啦!

 

 

唔想用粉掃嘅朋友可以用吓宜家韓國流行嘅海綿球。用法就係先用水浸吓海綿, 再弄乾大約70-80%, 再用點上底妝乳, 重點係用輕印嘅方式塗, 而到咗面嘅兩旁輪廓位置, 可以大力少少, 咁樣個妝就會好自然同立體! 

 

 

不過, 唔想洗錢買化妝功具嘅朋友, 可以直接用手嚟推開底妝乳, 而唇膏或者唇彩可以用手指輕點嘅方式塗上。

 

 

 

告訴大家一個小Tips:

 

其實如果無買胭脂或者用哂胭脂嘅朋友, 可以用手指輕點喺臉頰嘅兩邊, 塊面好似塗咗胭脂咁, 一個自然又簡單嘅妝容就完成。

 

 

2.  眉毛

 

先用手摸摸眉骨嚟決定眉嘅長度, 畫眉前可以用眉梳梳順眉毛, 而畫眉時要留意眉頭同眼嘅前端成平行線。仲有BO, 畫眉落筆嘅第一下唔好落得太大力, 否則會變得有D惡, 個樣會好唔自然呢!

 

 

想再自然一D, 眉筆嘅顏色可以用灰色, 而唔想買灰色嘅朋友, 都可以用黑色混啡色代替。

 

 

3.  補妝

 

好多朋友會用吸油紙嚟吸走面上多餘嘅油光, 但係咁樣做再補都好快甩, 所以我地最好用Tissue吸咗啲表面嘅油光, 再噴上保濕水係化妝水, 用海綿球快速咁推開底妝乳, 特別係T字位,  因為T字位係最易出油嫁~

 

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...