京都2018熱門推介

Posted by amylee_admin 2018-06-07 0 Comment(s) 旅行休閑,

 

 

 

大家提到京都, 一定會諗到佢係一個古色古香嘅地方同埋神社參拜嘅聖地。除此之外, 佢仲有其他特別嘅景點佢仲有其他特別嘅景點, 宜家就同大家一齊發掘吓一D熱點啦~

 

 

1.  普門庵 二の茶寮

 

 

 

 

嚟到京都, 以茶道聞名於海外, 又點可以唔試吓當地嘅茶屋呢?  位於清水寺附近嘅普門庵 二の茶寮好有歷史嫁。敞嘅茶屋內可以同朋友品嚐傳統嘅茶道小食之外, 仲係一個購買手信嘅熱點, 因為除咗和菓子之外, 大家仲可以買到一D別致嘅茶具。而店內最馳名嘅就係福蕨餅同百福饅頭,  大家一定要品嚐吓~

 

 

呢款抺茶蛋糕再加上由茶道磨製嘅抺茶, 互相配合嘅濃郁茶味, 令人一試難忘!

 

 

另外, 呢個就係店入邊最出名嘅福蕨餅。其實食法好簡單, 只需要將黃豆粉加入福蕨餅拌勻, 再沾上日式醬汁就可以食啦~一口軟糯嘅福蕨餅, 一啖香濃嘅牛奶抺茶, 滋味無窮, 係一個可以體驗到京都人嘅飲食文化機會呢~

 

 

2.  國際漫畫博物館

 

 

其實, 京都嘅歷史文化又點止只有神社呢?  今次介紹嘅對於漫畫迷嚟講有福啦, 皆因喺去參觀國際漫畫博物館。佢可以講係全京都最古老嘅漫畫都收藏喺呢度,  建築設計風格獨特, 而且唔同時代嘅漫畫整齊排列, 一目了然。

 

 

大家可以一邊細閱漫畫之餘, 仲可以喺旁邊嘅位置休息嫁~

 

 

除咗大家可以搵番童年時嘅漫畫之外, 仲可以看到唔同漫畫家嘅親筆簽名。唔單止咁WO, 大家亦可以參觀漫畫家嘅工作室, 咁難得嘅機會真係可遇不可求~

 

 

 

3.  鳥羽水環境保全中心

 

 

大家係咪用咗好多眼力嚟睇漫畫呢?  今次都要用到大家眼力, 不過仲要用到大家嘅嗅覺。鳥羽水環境保全中心係一個種咗好多紫藤花嘅地方, 絕對係大家打卡嘅聖地。望住一棵棵垂生紫藤花嘅美態,聞起陣陣嘅花香味, 身心都得到治療呢~

 

 

 

 

行過頭上種滿住一串串嘅紫藤花道路, 真係好夢幻呀~而紫藤花唔只一種顏色嫁, 仲有白色丶粉紅色......大家不妨欣賞吓咁靚嘅美景。

 

 

外面仲有一大遍粉紅色嘅花海, 真係好美呀~

 

 

 

 

4.  下鴨神社

 

 

去京都旅行, 都要參觀吓當地嘅神社, 但今次介紹嘅係好受單身一族歡迎嘅神社, 因為佢係一個可以祈求戀情順利嘅神社, 亦都成為當地熱門嘅結婚聖地。橘紅色嘅莊嚴建築設計, 係京都嘅文化遺產之一。

 

去到下鴨神社, 貪靚嘅女士們一定要飲吓當地嘅美人水, 睇吓飲完會唔會靚D?

 

不得不提嘅就係嗰度嘅神石, 當地人亦稱之為能量石, 因為相傳將佢放入水度唔會沉反而浮嫁, 唔知大家可唔可以power up呢~

 

除咗姻緣之外, "鏡絵馬" 都係好多遊客會做嘅嘢, 就係喺木板上畫出自己覺得理想個樣, 再寫埋自己嘅願望就可以, 大家不妨試試~

 

 

 

 

 

 

 

 

 

 

 

 

 

 

 

 


 

 

 

 

 

Loading...
Loading...
Loading...
Loading...
Loading...
Loading...
Loading...
Loading...