夏日狂歡の第1擊: 四國

Posted by amylee_admin 2018-06-08 0 Comment(s) 旅行休閑,

 

 

好熱呀!  考完試啦, 又放一個長長嘅暑假, 唔知大家心情點呢?  想去一D夏季限定嘅活動, 不如今次就跟我去四國過一個舞動夏天啦~

 

 

1.  高知嘅Yosakoi祭

 

 

 

Yosakoi祭係由一班學生一齊著咗色彩繽紛嘅服裝而跳舞, 而佢地會以敲擊木製嘅樂器, 伴隨著民謠嘅音樂而起舞, 每年參加嘅人數過百萬, 可以見到表演用盡全身嘅肢體動作咁投入嘅演出, 其實係因為喺當地會有個比賽, 優勝者仲有獎攞嫁~
 

 

參加者無限定國籍, 所以連外國人都可以組隊參加~

 

嘩!一大班年青人幾齊心咁樂力演出, 真係好有夏日嘉年華嘅感覺呀!

 

 

 

 

2.  德島嘅阿波舞

 

如果覺得Yosakoi祭嘅跳舞未夠喉嘅話, 不妨參加埋四國另一大活動, 就係阿波舞啦。為咗慶祝德島嘅成立, 所以各行各業都會跳舞贈興, 例如: 學校丶航空......佢地此起彼落嘅叫喊聲, 再加上整齊嘅舞蹈同強勁嘅樂器助陣, 有太鼓啦丶三味線......真係好熱鬧嫁~

 

年紀輕輕嘅小妹妹都出嚟跳埋一份, 傳承緊德島嘅文化精神~

 

身穿日本傳統嘅阿波舞服飾喺馬路中間跳動, 真係好有夏日嘅氣氛!

 

溫馨提示: 阿波舞分咗上下晝表演, 而下晝會喺室內進行, 表演者會好樂意教唔識跳嘅朋友仔嫁~

 

 

 

 

 

3.  道後溫泉藝術季

 

松山嘅道後溫泉已經聞名於海外, 因為佢係日本3大古老嘅溫泉之一, 所以連日本著名動畫神隱少女都係喺呢度取筆嘅。今次介紹嘅就係"道後溫泉藝術季", 主要係20幾個藝術家宣揚道後溫泉嘅歷史文化而製作出唔同藝術品擺放喺道後溫泉街道之中, 大家可以邊行邊欣賞咁悠久嘅溫泉文化。

 

晚上著咗燈嘅嘅門窗色彩斑斕奪目, 再加上上面獨製嘅圖案, 令到整座建築物都充滿生氣之餘, 但保留咗份神秘感。

 

呢幅就係描繪神隱少女工作嘅油屋, 係咪好懷念呢!

 

走過這條藝術走廊, 旁邊仲有懷舊嘅人力車, 好似返番去江戶時代咁~

 

而呢個設計以走馬燈嘅裝飾, 為道後溫泉增加幾分色彩。

 

溫馨提示: 這個活動因為系限定活動嚟嫁, 大家可以儘早去看看。

 

 

 

 

 

 

 

 

 

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...