花火篇 (1):關東, 約定你!

Posted by amylee_admin 2018-06-13 0 Comment(s)

 

 

之前同大家遊走咗好多日本嘅夏日熱點,大家有無覺得攰呢? 不如唔同大家行咁多路啦,一齊睇吓靚靚嘅煙花先啦~

 

 

1.土浦全國花火競技大會 

 

佢係全日本比較大型嘅煙花比賽, 而大致上分咗3部分:  連續發放丶煙花嘅特定大細同埋創意嫁, 如果得獎嘅話,仲係由內閣大使親手頒授, 認可性好高, 所以各地嘅朋友都會嚟呢度欣賞一年一渡嘅盛事~

 

 

呢個粉紅星空係咪好迷人同夢幻呢?

 

 

當人生到咗中段, 都會有閃閃生輝嘅時候。而旁邊嘅金色小煙花, 雖然體型細小, 但是它嘅輝煌絕對唔比起大朵嘅弱嫁!

 

 

嘩!咁星鑽閃耀嘅銀河星系, 會唔會係你人生嘅寫照, 掟係人生嘅目標呢?

 

 

紅色嘅煙花正如人生好似野火咁, 春風吹又生~

 

 

 

 

2.  熱海海上花火大會

 

大家可能有D印象熱海係溫泉聖地, 今次同大家去參加夏日煙花大會。其實, 熱海因為三面都俾山圍住, 所以造成佢嘅高溫, 但都無傷大家嘅興致, 每年吸引過千人到場。另外, 熱海亦因為地勢嘅問題, 令到現場嘅音效更加響亮同澎湃嫁~

 

 

熱海嘅沿岸放出嚟嘅煙花, 再加上特製嘅光效, 真係令人目不暇給!

 

 

小型嘅煙花喺水面放出, 再加上唔同顏色嘅花芯, 簡單得嚟又有藝術美~

 

嘩!呢個有D似音樂噴泉咁煙花效果, 不禁令人產生錯覺, 以為去咗參加音樂演奏會!

 

呢個煙花更加利用唔同嘅角度, 令到煙花更具立體同振撼力, 令人覺得好感動!

 

 

而到咗尾升, 花蕾盛放, 粉紅色嘅力量俾人一種夏天嘅喜悅同希望。

 

 

 

3.  諏訪湖花火大會

 

 

以釣魚聖地為名嘅諏訪湖都會放夏季嘅煙花,而諏訪湖長達2公里, 為煙花大會提供咗一個寬闊嘅視野, 即使人多嘅情況, 都可以欣賞到煙花。而湖中放煙花就好似上演緊一幕水上芭蕾咁, 好有美感!  好適合情侶嚟呢度欣賞咁柔美嘅景致。

 

 

另外, 如果喺遠處欣賞嘅話, 又有另一留都市嘅魅力~

 

 

 

呢度嘅煙花既特別又新穎, 大家仲可以打卡添!

 

 

 

 

 

 

 

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...