睡眠? 影響心臟??

Posted by amylee_admin 2018-06-29 0 Comment(s)

 

 

 

睡眠係每個朋友一定會做嘅習慣, 有時我地瞓完覺之後, 會覺得周身好攰, 好似無瞓過咁, 又或者好似覺得最近心跳快咗, 呢D都係一D睡眠質素唔好嘅表現, 點樣可以改善, 睇吓下面有無幫助:

 

 

1.  瞓覺姿態

 

 

大家一定知道我地嘅心臟喺左面, 正所謂"左心加肺"。原來, 我地嘅睡姿都會影響心臟嘅健康成長。

 

 

瞓覺姿態大致分為: 左面瞓丶右面瞓丶正面瞓, 唔知大家係邊種瞓呢?

 

 

右面瞓嘅朋友, 因為心臟喺左面, 因為血液嘅流動受地心吸力影響, 會加快流向心臟, 心臟嘅血液流通, 自然負荷少咗, 疾病都少D。而且, 因為血液能夠暢通地流到腦部, 第二日起身都會無咁攰架~

 

 

相反, 選擇咗左面瞓嘅朋友, 因為血液流動得無右面瞓嘅朋友快, 可能會比較易攰, 但係會少D鼻鼾, 因為肺部無咁易受壓, 自然呼吸都流暢D架, 呼吸系統疾病都自然少D啦。

 

 

最理想就係BB大字型瞓覺式, 皆因無論係心臟或者肺都唔會咁易受壓。

 

 

溫馨提示:  不過, 瞓覺時都要轉轉姿態, 否則嘅話, 對我地嘅脊椎負荷好大, 因為長期保持同一姿態, 會令到脊椎嘅肌肉彊硬, 會好易有肌肉炎或者肌肉勞損。

 

 

2.  枕頭嘅高度

 

好多朋友都會覺得"高枕頭"會對心臟好D, 但係其實要睇吓你嘅血壓而可以判斷。

 

 

 

"高枕頭"對於低血壓嘅朋友嚟講係比較合適, 因為當枕頭高過心臟時, 因為地心吸力, 自然流向番心臟, 加速血液, 可以幫回升血壓, 減輕手腳冰冷嘅感覺, 睡眠質素好咗, 自然人都精神D。

 

 

但係, 高血壓嘅朋友會再加快佢地嘅血液循環, 會好易腦充血同埋引起更加多心臟問題之外, 仲會增加鼻鼾, 呼吸困難。

 

 

 

 

另外, 脊椎唔太好嘅朋友建議用矮D枕頭, 長期使用高枕頭, 只會加劇頸部肌肉嘅勞損, 會令到頸椎更易退化架~

 

 

 

 

 

 

 

 

 

 

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...