美景古跡盡喺塞班島

Posted by amylee_admin 2018-07-06 0 Comment(s) 旅行休閑,

 

 

 

想享受陽光與海灘, 大家可以去泰國。但係, 如果想睇美景之餘, 又可以睇埋文物古蹟, 就跟我嚟塞班旅遊啦:

 

 

塞班島擁有天然嘅防波堤同埋幼細白沙, 絕對適合一家大細嚟呢度玩水上活動, 過一個怡人嘅假期。另外, 鍾意游水嘅朋友仔, 睇到咁大嘅藍天碧海, 係咪想即刻暢泳一番呢?

 

 

其實, 唔識游水嘅朋友仔都唔洗太擔心無活動可做, 可以做吓考古學家, 皆因呢度曾經係美國嘅重要軍事基地, 所以遺留咗好多40年代嘅軍事武器, 譬如話:  裝甲車丶坦克……不妨去吓打卡之外, 又可以玩吓尋寶遊戲~

 

 

嘩!  呢個大炮半身浸喺海底, 可以見到嗰果時候嘅士兵係點樣隱藏喺海中而攻擊敵人。

 

 

 

其實, 大家仲可以去浮潛落而進行水中探索之旅, 因為仲有好多二戰時期嘅飛機撞落海底, 所以好多殘骸仍然保存喺海底架~

 

 

 

塞班島嘅水底世界又點止只有歷史嘅文物古蹟, 當然仲有好可愛成群結隊出現嘅魚仔丶巨大漫游嘅海龜等等…..仲有天然美麗嘅珊瑚礁, 令人目不暇給~

 

 

 

經歷完水底探險之後, 大家沿住塞班島遊覽時, 唔難發現到處遺留落嚟歷史歲月。之後, 大家又可以去紀念死難者嘅和平紀念公園, 反思戰爭為我地帶嚟嘅禍害同埋對死難者嘅憑弔。

 

 

 

 

嚟到塞班, 一定要去踏破潮山。位於400米海拔, 大家除咗可以一試高居臨下嘅感覺之外, 當然就係欣賞全個塞班嘅環島美景, 美麗修長嘅海峽, 靛藍嘅浩瀚海洋再加上一望無際嘅山脈, 呢種美不勝收嘅景色, 令人不禁讚歎竟然出現咁似仙景嘅自然生態喺現實當中~

 

 

 

 

 

 

唔想太辛苦行山去踏破潮山, 可以去塞班島嘅360度旋轉餐廳, 除咗可以盡享美酒佳餚之外, 仲可以欣賞埋聞名於世界嘅日落美景, 大家不妨可以同另一半嚟過一個心曠神怡嘅黃金假期~

 

 

 

 

 

Loading...
Loading...
Loading...
Loading...
Loading...
Loading...
Loading...
Loading...