護膚心得: 養出靚靚面, BYE BYE包包面

Posted by amylee_admin 2018-04-25 0 Comment(s) 健康美容,

 

 

 

好多女士都會為包包面而煩惱, 其實只係有少許水腫, 唔洗太過擔心! 點樣可以有番個靚靚面呢, 同大家分享下啲Tips 啦:

 

 

 

Tips1: 好嘅睡眠習慣

 

我地喺瞓覺上要好嘅習慣, 即係唔好太夜瞓同埋要有均衡嘅飲食。

 

 

太夜瞓會令到肝同腎唔能排到毒, 毒素積聚, 咁會好易水腫嫁!

 

 

仲有BO, 枕頭太淋或者太低, 都會令到水分留喺個頭度, 咁面就會有水腫, 包包咁啦!另外, 仲會影響骨骼添!

 

**Check 吓枕頭適唔適合嘅方法: 枕頭瞓完之後有無印, 如果有, 即係有水腫, 表示枕頭唔適合, 大家不妨可以試吓!

 

 

Tips2: 好嘅飲食習慣

 

而飲食方面要唔好太偏食或者食得過鹹, 因為鈉同水分會積聚喺身體, 包包面自然好易有!

 

 

另外, 仲要飲足夠嘅水。好多朋友以為唔想水腫, 就唔敢飲水。其實, 包包面可能係因為水分唔夠, 毒素喺身體排唔走而導致嘅。但係, 最好唔好喺瞓前2個鐘頭飲得太多水。

 

 

而且, 食得太多凍嘅食物, , 好易令到身體處於一個好冷嘅環境下, 血液會循環得唔好, 咁水嘅循環自然會有影響!

 

 

方法:  如果飲太多咗水嘅話, 可以飲吓紅豆水, 薏米冬瓜湯, 可以利尿同埋去水腫嫁! 又或者可以用冷熱毛巾交換咁Cover喺眼度, 幫助血液循環, 自然有番靚靚面啦!

 

 

 

 

Tips3: 定期做按摩

 

 

想有秀秀面形, 就唔可以太懶! 按摩可以促進血液循環同淋巴暢通, 令輪廓提升, 改善面形。

 

 

方法(1): 下巴到耳仔嘅後面, 沿頸部向下至鎖骨

 

方法(2): 嘴角外側到耳仔嘅後面, 沿頸部向下至鎖骨

 

方法(3): 眉心由下而上到額頭

 

 

 

 

Loading...
Loading...
Loading...
Loading...
Loading...
Loading...
Loading...
Loading...