打卡必到嘅薰衣草聖地

Posted by amylee_admin 2018-07-03 0 Comment(s)

 

 

 

宜家我地去旅行係為咗睇花海, 而6月開始就係薰衣草嘅季節啦, 大家準備好一齊去搵吓世界各地必到嘅打卡聖地未?

 

 

1.  澳洲嘅悠柔薰衣草農莊

 

 

 

 

大家都知道法國比較出名睇薰衣草, 但係原來喺澳洲嘅悠柔薰衣草農莊都係一個打卡嘅好地方, 因為嗰度種咗超過8000棵薰衣草, 一排排整齊嘅薰衣草編成夢幻嘅花海, 除咗賞心悅目之外,仲係影結婚照嘅聖地嚟架~

 

 

 

由於園丁嘅悉心照顧之下,茁壯成長嘅薰衣草顯得更分外可愛~

 

 

 

悠柔薰衣草農莊顧名思義就係“過住悠柔嘅生活”, 所以大家除咗可以同咁美嘅薰衣草影合照之外, 仲可以欣賞埋蘇格蘭舞丶試飲葡萄酒…..另外, 大家亦都可以品嚐當地由薰衣草製成嘅雪糕, 令到整個身心都沐浴喺薰衣草之中, 得到治癒呢!

 

 

 

2.  夏威夷嘅阿裡穀拉薰衣草農場

 

 

 

雖然美國有好多地方都種咗薰衣草, 但係阿裡穀拉薰衣草農場係比較受到遊客嘅歡迎, 皆因佢呢度嘅薰衣草香味比一般嘅薰衣草農場更加濃郁芳香,令人難以忘懷。而且, 咁美麗嘅田園風光自然令人心曠神怡, 大家記得去到影多幾張靚相啦~

 

 

 

 

 

薰衣草可以幫助大家放鬆緊張嘅情緒, 從而有寧神安眠嘅療效, 所以阿裡穀拉薰衣草農場都生產咗好多薰衣草味嘅產品, 例如:蜂蜜丶身體護理產品……大家不妨可以買一D番去做吓手信啦~

 

 

 

3.  台灣嘅葛瑞絲香薰衣草田

 

 

 

 

唔想去太遠嘅地方嘅朋友仔, 可以試吓去台灣嘅葛瑞絲香草田, 係最近好流行去睇花海嘅地方嚟架。台灣嘅氣候本來唔太適應種植薰衣草, 但係後來經過人工陪植改良之後, 大家有機會可以一次過睇2萬棵嘅薰衣草之外, 仲可以買一D由全天然薰衣草製成嘅香皂丶香油….. 啱唒薰衣草迷嘅你地啦~

 

 

 

 

4.  英國嘅Mayfield薰衣草農場

 

 

 

 

呢度雖然位於英國嘅郊區, 但係交通亦都好方便架~而呢度最大嘅打卡位就係有英國傳統嘅紅色電話亭屹立喺全遍薰衣草紫色嘅花海之中, 好有英倫風嘅感覺。

 

 

 

大家除咗可以親親咁美麗嘅夢幻薰衣草之外, 大家仲可以將佢帶埋番屋企, 皆因呢度竟然有得賣一梱梱嘅薰衣草之外, 大家仲可以試埋由薰衣草製成嘅麵包架, 真係另一番異國風情嘅田園氣色呢~

 

 

Loading...
Loading...
Loading...
Loading...
Loading...
Loading...
Loading...
Loading...