時間? 型格? 由你操控!

Posted by amylee_admin 2018-06-15 0 Comment(s) 潮流時尚,

無論返工丶返學等等......要掌握好嘅時間之餘, 又要以型人嘅Style, 一隻"型"格嘅手錶自然唔少得。今季嘅手錶主要係以網狀手錶為主, 務求塑造出一個又簡約得嚟, 又有少少花款嘅時尚魅力。宜家我會為大家介紹一吓最新流行, 又容易carry 到嘅錶款俾大家啦:

1. Marc Bale: 簡約大方嘅唯美主義

澳洲著名品牌Marc Bale 最近推出嘅網狀手錶為咗迎接夏日, 以簡約嘅流線設計出玫瑰金色嘅collection, 而且手錶錶面更鑲有少量嘅碎石, 襯托出大方得體嘅唯美主義, 方便愛美嘅女士們簡單地配搭唔同嘅飾物, 成為佢地嘅心頭好。另外, 佢仲採用咗防水設計, 即使下雨天都無有怕~而且, 錶身嘅設計會比起一般嘅錶身更加圓滑, 更加貼服。

除咗有玫瑰金色嘅collection, 仲有百搭嘅水晶銀色嫁。

今個season買呢系列嘅手錶仲贈送唔同色系嘅皮帶方便大家替換~

2. Barbas & Zacari: 貴族中嘅華麗型格

想唔想同另一大澳洲品牌Barbas & Zacari手錶有一個華麗嘅邂逅? 不妨睇咔佢最新推出嘅人氣黑金色嘅網狀手錶, 將玫瑰金色Mix&Match型人嘅黑色, 帶嚟嶄新嘅華麗風格, 而旁邊除咗鑲嵌咗同手錶同一色系嘅碎鑽之外, 錶面仲有一個小型嘅時間, 突顯咗層次嘅華麗感。而錶面更加用咗防撞擊嘅水晶設計, 令整體設計塑造出完美嘅型人華麗風格。

除咗黑金色之外, 大家如果想試吓更時尚型人嘅高貴Look, 深灰色都係一個唔錯嘅選擇。

如果大家對網狀手錶唔太感興趣, 都可以試吓同類款嘅歐陸風格, 棕紅色皮帶係源自意大利真皮, 令到手錶戴上去更舒適之餘, 仲俾人一種斯文大方嘅感覺。

3. Kapten & Son: 打破傳統嘅簡約主義

如果覺得上面嘅手錶有D大嘅話, 可以試吓由德國設計嘅Kapten & Son 手錶, 無論係男或女士們都好適合嫁 , 而佢推出嘅手錶帶雖然唔係網狀設計, 但係採用咗菱形嘅紋理, 帶嚟跳脫嘅新穎感覺, 好受到年青一族嘅愛戴。而手錶亦都採用咗一按即停嘅時間功能, 為大家喺繁忙嘅都市生活帶嚟唔少便利~

成熟穩重嘅黑色深受上班族嘅歡迎

另外, 輕巧纖薄嘅不銹鋼錶面, 再加上有多種顏色嘅選擇, 例如: 夏日跳躍嘅櫻花粉色丶高貴斯文嘅櫻桃粉色丶莊重斯文嘅寶石藍色, 都帶俾人耳目一新之餘. 仲適合唔同嘅dress code。Kapten & Son 嘅手錶帶一樣可以自由更換, 自由配搭出型人風格!

4. Mockberg: 仿瑞士設計嘅精巧簡約美

除咗Kapten & Son 之外, Mockberg嘅手錶都趨向精巧設計, 細小嘅錶面配以幼細嘅錶帶, 再加上純白嘅錶面, 帶出咗Simple makes perfect嘅知性美。而且, Kapten & Son嘅手錶物料全都係瑞士入口嫁。

網狀設計風會比較百搭, 即使係牛仔褲或者T-shirt, 一隻Kapten & Son 嘅網狀手錶都帶俾人一種時尚嘅都市美, 而文青可以試吓呢款斯文簡約嘅皮革手錶, 全部由意大利牛皮製造嫁

不過, 個人比較推崇高貴華麗嘅黑色皮系, 因為比較容易carry 之餘, 又大方得身體呢~

Email
Password
	Forgot Your Password?

Forgot your Password? Enter your Email Address here to receive a link to change password.
Email

Email
Password
Repeat

Twitter 電郵ID

恭喜！您獲得

時間? 型格? 由你操控!