宜家6月啦, 再過多3-4個月,又到秋天啦。唔知大家對於秋冬嘅配搭又有D咩睇法, 啱啱又完咗Fashion week, 不如我俾D Tips 大家啦:

1.  經典Rainbow 系列

點解會流行番經典Rainbow 系列呢?因為想同Burberry嘅創意總監Christopher Bailey致敬, 皆因佢要離開Burberry啦, 而Rainbow 系列其實象徵著喜悅, 希望大家能夠以開心嘅形式歡送Christopher。

Rainbow 系列嘅無袖厚外套色彩鮮艷奪目, 而且無袖亦可以方便自由活動, 入面只著簡單嘅T-shirt wearing, 令到整體嘅色彩配合得啱啱好, 而手上嘅單品更加係Burberry 嘅經典格紋, simple得嚟又帶點風格。

Rainbow 系列嘅針織上衣都係用咗Rainbow嘅斜紋設計, 收腰嘅長身設計, 再配襯同款嘅小巧手袋, 令到整體design更加一致。

無論連身裙或披肩都係用咗Rainbow嘅顏色配搭, 帶俾人一種歡樂同埋青春嘅活力, 為呢個秋冬增添D色彩~

2.  奇形怪狀嘅鞋跟

上年度嘅奇異鞋跟再次勝追擊, 今年嘅秋冬鞋跟再次變幻無窮, 木球形丶花柱形丶石柱形丶英文字形等等, 運用無限嘅創意空間同想像力, 設計出不一樣嘅藝術精品, 帶領大家走向一個新一代嘅潮流時代。

3.  野性魅力嘅動物紋

好多sis 可能覺得動物紋好似有D重口味, 太wild啦, 但係其實動物紋已經流行咗幾個世紀, 今季仲成為咗大熱元素添, 皆因佢可以俾人散發出一種華麗高尚嘅貴氣, 又不失個人風格呢!

大膽咁用咗紅色嘅豹纹, 帶嚟時尚型人嘅都市感; 而豹纹長褸則用咗棕色嚟貼近原始嘅草原豹纹, 散發出既wild但又有華麗嘅魅力~

呢款One Piece 都用咗班馬紋一set 過嘅設計, 連腰帶都係班馬pattern, 簡單咁運用咗動物紋嚟增加整體嘅視覺效果, 塑造出女王嘅霸氣。

上身嘅豹纹衛衣再加上下身嘅豹纹長裙, 本嚟係有D相撞嘅設計, 巧妙咁用咗唔同大小嘅豹纹pattern, 再襯以黑色皮革帶, 突顯出整個design嘅層次美同型格~

4.  百家祝福嘅百家布

百家布顧名思義就係由多塊布設計而成嘅colorful 設計,今個秋冬除咗流行Rainbow 系列之外, 仲流行百家布嘅設計概念, 簡單嘅唯美主義, 帶出"這個冬天不太冷"嘅色彩。

長身斗篷式嘅百家布設計, 帶嚟咗異國風情嘅民族氣色之餘, 又增添幾分活力。

百家布而成嘅棉褸嘅跳脫設計, 打造出華美但又causal 嘅風格。

好多朋友會覺得One Piece 好難carry 得好, 特別係百家布, 但係如果用軟身嘅布質, 可以製造出自然嘅完美體態曲線, 再配戴埋對彩色嘅耳環, 為呢個秋冬注滿生氣。