平底鞋係每個女士嘅心頭好, 無論行街, 返工, 或係dating, 都可以用嚟襯衫, 宜家同大家分享下今年流行嘅4種型法平底:

1.  拖鞋型

如果唔太鍾意束縛,但又想好似身處喺家嘅feel~不妨可試吓拖鞋型平底。 拖鞋型嘅平底因為無跟嘅設計, 所以長期著唔會太攰之餘, 仲慳番出門時要縛鞋帶嘅步驟添! 大部分都用皮革同絲絨做, 唔會咁易磨腳,貼身舒服,而今年流行嘅黑白色, 係好多女士嘅Favorite, 皆因佢易襯唔同類型嘅衫, 無論係牛仔Look, OL Look, 或Causal Look, 都一定無問題。

白色嘅設計帶咗成熟嘅穩重美, 又不失斯文大方, 簡約嘅設計, 符合咗Less is more嘅原則。

呢款拖鞋平底喺浄色嘅設計下,簡單咁配襯咗金屬飾物, 為沉悶嘅色調帶來咗另一種高貴美。

2.  尖頭型

如果你身高係比較矮啲, 可以選擇呢類鞋, 因為它係修長嘅鞋款, 能夠修到腳型, 令到隻腳睇落去無咁大。今年將會流行將尖頭概念融入咗搭帶嘅設計, 有耳目一新嘅Feel~而佢相比起拖鞋型, 會比較歡迎啲, 因為搭帶嘅設計可以更加牢固咁著住對鞋,  更安心感。而最重要嘅, 當然係尖頭X搭帶嘅設計, 增加咗女性美。

森林色系嘅尖頭, 配搭黑色搭帶, Causal 之餘又有幾分斯文。

呢款浄色嘅尖頭, 前面再配以束蝴蝶結嘅縛帶, 簡單又有少女美~

想有Grand 啲去Party 嘅話, 不妨可試試閃亮色再襯格仔縛帶, 會俾人一種斯文又跳脫嘅feel~

3.  牛津型

呢款應該係OL或者行街必備嘅型人一寶, 唔想每日要諗著咩鞋好, 就一定要有一對牛津型嘅平底, 皆因佢又叫做百搭鞋。英倫風格嘅牛津型平底除咗易襯唔同嘅四季服裝, 佢仲比起拖鞋同尖頭型易著, 因為唔磨腳又可有番啲高度, 睇落都會自信啲同埋型女嫁。

呢款木系色嘅Classic牛津型平底, 無論襯裙或者褲都可以, 而佢用咗皮製, 有幾點復古風, 突現咗幾分書卷美~

鍾意玩顏色Crossover嘅, 可以試玩呢款牛津鞋。呢種新穎嘅設計, 打破咗以往淨色嘅沉悶傳統, 為設計帶嚟幾分活力。

馬卡龍色牛津平底更加係春夏襯衫嘅恩物, 好有青春feel~

4.  芭蕾舞型

法式浪漫嘅芭蕾舞型平底更加優雅迷人, 容易carry到。而且, 圓形嘅鞋頭唔會怕磨到腳之餘, 仲可以令到隻腳望落去瘦啲。而今件流行嘅係因為Miu Miu 嘅芭蕾舞引起咗熱潮之後, 再新加入束縛帶設計, 真係好elegant 嫁!