北海道其實好多人都去過, 大家可能去過札幌丶函館。但係一啲最新嘅熱點唔知大家去過未?例如: 十勝?

1.  幸福站

下一站 “幸福”存在嗎? 其實存在, 不過已經退役咗啦, 但係 “幸福站”係點樣由來嫁?其實, 相傳好耐之前有好多福井人嚟咗幸福站附近度住, 希望自己能夠喺呢度幸福快樂, 所以成為咗今時今日嘅幸福站啦~

想幸福嘅方法只去到“幸福站”唔會即刻變幸福嘅, 仲要敲吓站前嘅 “HAPPY BELL”先會真正幸福嫁~

仲有, 其實“幸福站”雖然已經唔再運作, 但係可以遊覽吓早期嘅日本車廂同宜家有咩唔同, 從而學習到日本火車嘅演變歷史。

2.  十勝池田葡萄酒城

佢係一個製造葡萄酒嘅地方, 大家可以體驗到佢成個製葡萄酒嘅過程,例如:採葡萄到打碎, 甚至發酵同成酒, 愛酒嘅朋友一定流連忘返~

大家仲可以參觀埋葡萄莊園, 睇到咁靚嘅莊園同埋漸漸成熟嘅葡萄, 心情都輕鬆哂~

對愛酒人仕嚟講, 絕對係一個好消息, 因為喺嗰度大家可以唔洗錢任試葡萄酒嫁~而且酒坊仲彌漫着陣陣嘅葡萄酒香味, 令到成個人好似浸咗喺葡萄酒中。

仲有WO, 大家一定要食吓當地嘅特產白蘭地雪糕, 唔係度度有得食嫁~

貼士: 大家可以一邊睇住日落, 一邊歎住白蘭地雪糕, 人生一大快感。

3.   元祖豚丼のぱんちょう

十勝係以畜牧業為主, 所以其實無論奶類製品或者肉類都產量好豐富嘅。而十勝嘅美食中點會少得豬肉蓋飯(豬肉丼), 呢間老店元祖豚丼のぱんちょう已經成為咗遊客嚟到十勝必食嘅美食。

佢最大嘅特色係用咗SPF豚肉, 即係無用抗生素或者藥物飼養豬, 令到豬嘅脂肪唔會過多, 嫩滑嘅豚肉加埋特製嘅祖傳秘製濃郁醬油, 滋味無窮!

4.  花畑牧場

一家大細最適合嚟花畑牧場, 因為可以親親小動物, 又可以食遠近馳名嘅牛奶糖同芝士。

佢地係咪好風姿勃勃? 其實好友善嫁~

仲有WO!參觀咁好食嘅焦糖牛奶糖製作過程, 都係一件賞心樂事~

傳說中嘅牛奶糖聽聞入口即溶, 大家一定記得買番啲做手信啦!

5.  Moor溫泉

呢個溫泉同普通嘅有咩分別呀? 佢就係日本人所稱之為“美人湯”。其實, 佢嘅原材料係由古時嘅植物埋咗喺地底, 因為火山爆發, 植物嘅營養由地底湧咗出嚟再加上泉水, 所以能夠比一般嘅溫泉更滋潤~

6.  柳月糕點工房

去到十勝, 就一定要試吓呢個首屈一指嘅 “三方六年輪蛋糕”, 香濃嘅蛋味, 再配上香滑嘅朱古力醬, 細膩而精緻嘅甜點, 令人欲擺不能!