安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 飲食品味 » 食 “一蘭”, 唔太難!

食 “一蘭”, 唔太難!

Posted by amylee_admin 2018-05-28 0 Comment(s) 飲食品味,

 

 

 

日本著名嘅拉麵館 “一蘭”大家一定聽過, 採用咗香濃嘅豬骨湯, 配以自製嘅拉麵, 加上微微嘅唐辛子辣味, 簡單咁令人食指大動。但係, 成日都聽到話喺嗰度叫嘢食有點麻煩, 其實一D都唔複雜, 下面有D方法可以幫到你!

 

 

1.   等位

 

一入到去, 可以見到有部等位機, 其實好簡單, 只要見到 “空” 字, 就可能去嗰個號碼嘅座位, 不過要由職員帶領坐下。

 

 

2.  叫嘢食

 

每個坐位之間都有自己私人嘅空間, 旁邊亦都有自助式嘅免費熱水供應, 而前面嘅竹簾就係運送食物, 只要一拉起, 美味嘅食物就會呈現喺大家眼前。

 

 

點餐方法: 其實有兩種, 一就係去點餐機, 另一種就係用order紙

 

方法(1) 點餐機

 

其實同普通拉麵館order無什麼分別, 投幣錢, 再揀選自己嘅拉麵就OK~

 

 

方法(2) 用order紙

 

用order紙其實有另一好處就係可以選擇自己增加或者減少嘅配料, 例如: 叉燒丶蔥丶雞蛋等等……由於“一蘭”已經喺到處都有分店, 所以大部分都有唔同國家語言嘅order紙。但係, 如果去到日本嘅話, 少少嘅日本語係應該識少少, 咁樣至可以入鄉隨俗呢~

 

下面嘅小知識希望幫到大家:

 

仲有一個貼士就係可以揀唔同程度嘅湯底丶拉麵嘅軟硬程度丶唐辛子醬嘅辣度, 最左面嘅程度係最弱, 而最右面嘅程度係最強烈。

 

有時, 可能喺食嘅途中想加配料, 例如: 加拉麵, 可以怎樣做?

 

 

你會發現枱上有好多唔同嘅醬油碟, 而每一隻都有唔同嘅意思。

 

只要將你嘅要求放喺 “服務鈴”上面, 店員會透過偵測系統收到你嘅指示。

 

如果一碗拉麵唔太足夠嘅話, 建議可以加白飯。先要將拉麵食咗, 留番1/2湯底, 再將白飯掉落去, 咁就係 “日式燴飯”啦~

 

仲有WO, 呢個拉麵嘅碗形係咪有啲特別呢?佢係六角形, 因為日文嘅 “六角”同 “合格”好似, 所以想成績合格嘅朋友可以食吓呢碗拉麵啦~

 

除咗合格嘅意思, 其實太宰府參道分店嘅拉麵會比其他分店嘅長, 係祈求關係可以長久或者可以有進展嘅意思, 大家不妨試試~

TIPS: 只有太宰府參道分店至有 “六角形麵”食嫁!

 

 

3.  結賑

 

大家只需要將單據到收錢處度付款就可以啦~

 

 

鍾意食“一蘭”拉麵嘅朋友都可以將咁美味嘅拉麵買回家同朋友分享吓~