又到咗夏日熱點推介嘅時候, 上次睇咗日本嘅燈飾, 仲參加埋海女祭添~今次會先去唔係太多人知嘅夏日好去處, 佐渡。

1. 傳統盆舟

其實, 佐渡有好多山脈連綿嘅, 而今次我會同大家一齊划舟, 不過今次划嘅會比較特別, 叫做"盆舟", 其實係日本古時用嚟載人嘅船。一上到去, 漁夫都會著住佐渡特有嘅傳統漁服, 佢地會用一枝槳嚟幫我地前進。大家唔好睇漁夫好似好易咁划, 其實要用槳嚟控制盆前進嘅方向要有相當足夠嘅經驗, 否則盆舟只會喺原地不斷轉圈嫁~

坐喺盆上, 一邊望住清澈水底之中嘅海藻, 一邊又欣賞湖江山色, 真係好寫意~另外, 呢個都係一個好好嘅經驗來學習吓日本古時簡樸嘅漁村生活。

2.  Kiroko 燈籠祭

我地之前參加過海女祭啦, 宜家轉移到石崎去睇睇咩叫做燈籠祭?  能登町係日本一個以捕魚為生嘅城市, 但係好多年前成日都發生火燭。之後, 有一個漁夫將一個大嘅燈籠帶嚟 能登町之後就再無發生火燭啦。所以, 當地人為咗紀念燈籠嘅神明而舉行祭祀。

大家有無留意燈籠發光, 寓意有神明照亮住燈籠, 而遊行期間, 都有樂器嘅伴奏, 有笛丶太鼓.......仲有WO, 全個燈車都係由人手移動前進, 推車們一齊全力以赴, 真係令人好感動呀!

嘩!連外國人都一齊參加嚟入鄉隨俗~之後, 仲會有祈求有豐富嘅漁獲活動嫁。

3.  聞名中外嘅梯田

日本雖然有好多美麗嘅自然景觀, 但係講起夏天, 都會諗起田園郊野。而今次要介紹嘅係十日町市嘅梯田。大家鍾意食日本米嗎?  而大家一定知道新潟盛產日本米, 而十日町市亦都係位於新潟嘅, 所以十日町市嘅美麗梯田已經聞名於世界各地, 皆因佢有天然嘅山水種植, 唔洗人手打理, 都已經種出如此靚嘅美景。綠油油嘅田野風光, 帶俾人心曠神怡之餘,仲可以遠離繁囂, 呼吸一D新鮮嘅空氣, 真係好治癒~

4.  岩室温泉冬妻之螢火蟲祭

難得嚟到新潟, 不如睇多一樣東西至返去啦, 就係"螢之光"啦~新潟嘅岩室温泉冬妻每年都會舉行螢火蟲祭, 快D同你嘅另一半嚟呢度睇咁美麗嘅螢火蟲。其實, 螢火蟲唔係度度都有, 佢只會棲息喺無污染嘅地方嫁, 大家不妨去睇睇~

此外, 岩室温泉冬妻仲會有燈籠祭, 今次係指喺河流放燈籠, 追憶先人嘅儀式。

5.  体験工房 大源太

日本嘅夏天, 少不了嘅食物就係蕎麥麵啦, 而今次大家可以親身上陣, 自己製作蕎麥麵。喺体験工房, 其實可以學習好多日本傳統食物嘅製法, 例如:  飯團丶日式甜點等等......只需大約1 個鐘頭就學識啦。

呢位日本師傅幾聚精會神咁搓粉團, 一D都唔馬虎嫁!

跟住就係壓平粉團, 千祈唔好過分用力, 而且要每一部分嘅力都要差唔多至可以~

最後就係切成條形, 一定要每條麵條嘅粗幼差唔多至可以有彈牙嘅口感嫁~

完成後, 大家當然可以品嚐咁好食嘅山水蕎麥麵。