大家可能會嚟到北海道嘅十勝睇花海, 介紹嘅唔只係睇靚景, 仲好適合一家人享受親子樂嘅景點。今次我地主要集中喺有溫泉之鄉嘅幕別町, 究竟有咩咁好玩, 大家可以跟住我地走啦:

1.  公園高爾夫球

鍾意高爾夫球嘅朋友, 一定要嚟吓呢度嘅公園高爾夫球, 平敞寬闊, 有超過36個洞俾大家一展身手。而且, 即使初學嘅朋友都唔洗太擔心, 因為其實嗰度都有好多初學者嫁。

大家可以根據自己嘅興趣嚟選擇唔同嘅場地, 有森林球道丶溫泉區嘅球道丶農村球道.......

如果想挑戰更高難度, 可以試吓呢條冠軍球道嫁~

一邊打住高爾夫球, 旁邊仲有雀仔伴唱, 真係好寫意。另外, 公園仲有一個特色, 就係每個球道都有唔同嘅石碑作為擺設, 而石碑上仲有唔同嘅詩句, 大家亦都可以趁機學習吓北海道嘅文化。

小朋友都唔需要擔心應付不嚟嫁, 呢個小朋友打起上來似模似樣咁, 好有架勢!

要補一補充體力, 大家不如去附近嘅"燒肉庭園"歎吓北海道嘅烤肉。喺草地上烤肉, 真是另一番田園郊遊嘅趣味呢!

另外, 北海道嘅烤肉肉汁鮮美又香脆, 真係令人百食不厭呢~

2.  丸山展望台

勞動過後, 大家不如睇吓北海道嘅靚景。丸山展望台原本據講係幕末時嘅海賊埋金地, 後嚟演變為今日嘅觀景區。位於300公尺高嘅丸山展望台, 一望無際, 大家可以睇到遠至中央廣場丶田園嘅自然迷人美景。

另外, 大家亦可以飽覽群山嘅莊麗同埋田舍嘅簡樸, 風光如畫。

3.  ぱてぃすりーあいアイ

行咗一陣, 大家想唔想食一D甜點?  呢間ぱてぃすりーあいアイ雖然開業咗只有7-8年, 但係佢除咗用本地嘅材料製作甜點之外, 仲會因應季節嘅變化而製作好多動物造型嘅甜點。

無論係獅子丶豬仔丶狗仔丶馬騮仔......都樣子趣緻活潑, 真係唔忍心將佢一口食咗。

ぱてぃすりーあいアイ嘅設計都用咗無比嘅心思同材料一層一層咁製造出嚟嫁, 大家不妨去試吓~

4.  明野之丘公園PIRA・RI

嚟到幕別町, 就一定唔可以唔去呢個景點, 明野之丘公園PIRA・RI。因為呢度嘅山崖好壯麗 (日文意思: PIRA.RI), 所以亦寓意住未來嘅前景美好。

呢個公園外形奇特之外, 仲有一個高達8尺嘅觀景台嫁, 大家唔洗再怕被其他景物阻擋視野啦~

入面螺旋形嘅樓梯設計而上, 能夠一睹塔下嘅美景, 為我地忙碌嘅生活帶點治癒呢!