安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 旅行休閑 » 四川隱世嘅紅葉仙景

四川隱世嘅紅葉仙景

Posted by amylee_admin 2018-07-03 0 Comment(s) 旅行休閑,

 

 

 

大家可能去日本睇紅葉得多, 想唔想改吓地點?  今次同大家轉戰去中國嘅熊貓之鄉, 四川, 去搵吓一D隱世嘅紅葉仙景:

 

 

 

 1.  光霧山

 

 

 

 

 

 

光霧山之所以叫 “光霧山”, 係因為佢成日都被一層霧圍繞住, 但係唔好以為咁樣睇D景唔靚。其實, 因為佢嘅薄霧, 所以造就咗佢成為四川嘅名勝。大部分嘅遊客去光霧山都係為了一睹亞洲最大紅葉區嘅風采, 多達40多種嘅紅葉, 例如:  楓樹類、漆樹類、樺木類……真係令人大開眼界! 

 

 

而光霧山亦都列入咗國家法定嘅公園之一, 皆因佢仲有好多奇形怪石組成嘅溪流, 旁邊長滿咗色彩繽紛嘅秋葉, 加上層層嘅霧氣, 令人好似走入咗一個秋天嘅童話國度, 快D同另一半一齊分享咁美嘅時刻~

 

 

 

紅丶綠丶黃…..唔同色調嘅紅葉將整個光霧山都染成彩色山頭, 真係美如仙景咁~

 

 

光霧山染紅咗嘅溪水連同旁邊嘅黃色楓葉相映成趣, 又係另一番光霧山嘅美態。

 

 

 2.  九寨溝

 

 

九寨溝可以話係四川嘅文化財產, 因此佢保留咗四川最自然嘅一面, 植被面積已經超過6萬公頃。九寨溝除咗以美麗嘅湖景山色聞名於世界之外, 仲以秋天嘅紅楓暴吸引好多遊客嚟四川旅遊。要探究九寨溝嘅楓葉迷人之處, 不妨睇吓下面嘅九寨溝湖水清澈見底, 被整個楓林包圍住, 呢種遠離繁囂嘅仙景, 真係令人樂在其中。

 

 

層層疊疊嘅楓姿反射到靛藍嘅湖水, 絕對係另一打卡嘅熱點。

 

 

山巒起伏嘅壯麗, 加上漸染成綠黃色嘅山頭, 帶嚟咗秋天動人嘅淒美色彩~

 

 

 

3.   米亞羅

 

 

 

可能大家未必聽過 “米亞羅”呢個地方, 但係佢其實係中國最佳嘅賞楓地方, 因為佢擁有中國最大遍嘅紅葉林。大遍嘅高崇植被為米亞羅帶嚟清新怡人嘅空氣之外, 仲為大家遊覽時帶嚟點點涼意, 自然無傷大家繼續前進嘅雅興啦

 

 

 

嘩!咁完整嘅紅葉林大家見過未?  紅紅綠綠嘅楓葉保留咗藏族嘅文化傳承之外, 亦都顯露咗自然生態嘅美麗~

 

 

 4.  米倉山

 

 

 

米倉山又稱為 “中國紅葉之鄉”, 因為佢亦都係重要嘅國家林公園之一。連綿不斷嘅紅葉山巒令到米倉山成為咗遊客必到嘅賞楓好去處, 而迂迴嘅山路亦都係米倉山嘅標記之一。

 

 

米倉山其實同光霧山一樣, 都有好多色彩斑斕嘅楓林伴住好多湍急嘅溪流而聞名, 大家不妨去睇睇呢個宏山絕景啦~