安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 旅行休閑 » 曼谷LINE主題公園開幕啦!

曼谷LINE主題公園開幕啦!

Posted by amylee_admin 2018-07-04 0 Comment(s) 旅行休閑,

 

 

 

Line FANS 有好消息啦!  宜家泰國嘅暹羅廣場已經有LINE嘅主題公園開幕啦, 大家係咪好想即刻去呢? 其實, 佢係一個室內嘅主題公園, 所以大家可以唔洗怕落雨或者烈日當空啦, 事不宜遲出發啦:

 

 

 

LINE主題公園門口有個成2.5米高嘅BROWN 同其他人物迎接大家, 快D擺番個靚POSE合照啦!

 

 

公園其實分咗好多部分, 但係嚟得呢度, 就一定要打卡留念啦。有D咩打卡位好推介, 自然就係去同Line嘅靈魂人物, James丶Cony丶Choco 打聲招呼啦。咁就一定要去佢地嘅閨房啦, 每間房都有唔同嘅特色架:

 

 

粉紅迷人Look嘅Choco 房係以CUTEY Look為主題, 大大隻嘅Choco坐定定咁同你玩selfie, 喺咪機會難逢呢?

 

 

嘩!  作為哥哥嘅Brown房間充滿住男子氣概, 就連BOXING嘅KEEP FIT裝備都有, 仲攞埋金腰帶添, 快D同呢位未來Tony Jaa影一影張合照先~

 

 

一向要求品味嘅James房設計輝煌, 有如男主人高貴嘅感覺呢~

 

 

LINE嘅主題公園設計好有心思架, 睇吓走廊係以紅磚嘅英倫風, 再襯以唔同LINE 人物嘅油畫做裝飾, 會唔會係你嘅另一打卡位呢?

 

 

而另一大嘅打卡位就係識發光嘅BROWN 會喺隧道同大家嚟個驚喜見面會。

 

 

 

 

如果只係同LINE 人物selfie, 又點可以吸引到咁多人呢?  大家其實仲可以試吓玩3D嘅VR體驗館, 只要戴上VR眼鏡, Cony 同Brown隨即會變身架, 超可愛好玩, 大家記得玩吓啦~Brown 仲好有型喺門口迎接大家添~

 

 

 

行到攰攰地, 大家可以去玩埋超緊張刺激嘅4D動感電影嫁~

 

 

 

來到LINE 主題公園, 一定要帶佢地番屋企啦, 無論係大型公仔丶T-shirt丶化妝品….都係LINE FANS嘅心頭好, 行李唔知會唔會超磅呢?