安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 重磅影響壽命?

重磅影響壽命?

Posted by amylee_admin 2018-06-01 0 Comment(s) 健康美容,

 

 

 

最近, 有研究指出原來體重過重, 會令到血糖上升得好快同血管易阻窒, 會增加咗患心臟病同糖尿病嘅機會, 仲有引發呼吸困難同埋短命D, 幾可怕~  但係, 其實點解會過重嘅,  吓面係一D生活習慣, 唔知大家有無?

 

 

 

Q1.  1 星期飲超過3-4次酒?

 

生活喺充滿住節奏緊張嘅都市生活, 壓力漸漸形成, 而好多人嘅解決辦法就係飲酒, 又或者同一大班朋友出去Relax 吓都會飲酒。其實, 酒嘅卡路里幾高嫁, 因為好多酒都用咗好多糖分製造, 而且我地喺飲酒以外, 仲會食好多油炸嘅零食, 例如: 薯條丶花生......大量嘅油分同糖分被我地嘅身體吸收之後, 自然體重上升。而脂肪漸漸儲存起來, 從而阻塞血管, 咁會令到心臟受到損害, 自然壽命短D啦~另外, 飲得太多酒會肝溫上升, 易影響埋肝功能。

 

 

 

但係, 其實愛酒嘅朋友, 想壽命長D, 可以飲一D低卡路里嘅酒, 例如:  氈酒丶紅油或者香檳, 呢D都係一D比較少糖嘅酒類~

 

 

 

 

 

Q2a.  1 星期食油炸食物超過3-4次?

 

      b.  有無食3份蔬菜2份水果?

 

油炸食物係每個人嘅心頭好, 無論係大人或者小朋友, 都會被佢嘅金黃外表吸引而欲擺不能, 例如: 宜家流行嘅炸雞丶炸薯圈丶西多士......呢D食物都用油浸住嚟炸, 如果我地食咗之後, 會提升不健康嘅脂肪(即飽和脂肪)同埋膽固醇, 增加咗患冠心病嘅機會~

 

 

 

 

除咗油炸食物之外, 均衡飲食都會影響到體重。好多成長中嘅小朋友都唔太鍾意食蔬果, 特別係豆類植物, 反而鍾意食紅肉, 雖然有豐富嘅鐵質, 但係脂肪含量幾高。而蔬果嘅纖維同其他Vitamin, 可以有助中和吸取大量肉類嘅副作用。否則嘅話, 飽和脂肪會過多, 令到身體嘅心血管機能受到影響, 縮短壽命。

 

 

 

Q3.  食晚飯嘅時間有無超過9點?

 

其實食晚飯嘅時間太遲會容易體重上升嫁, 因為可能會喺食飯之前食好多零食, 例如: 朱古力丶糖果, 甚至餅乾......之後再食晚飯, 會令到胃消化唔到大量嘅食物, 增加咗胃嘅負擔, 容易有胃病。而長遠而言, 仲可能導致胃癌嘅風險嫁~仲有, 最重要係因為晚上唔太多運動, 好易肥胖。太重磅嘅情況, 仲可能影響埋心臟, 壽命亦會短D~