安全配送服務
安裝CIAOGOGO App
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼

預防感冒小貼士

Posted by amylee_admin 2018-06-02 0 Comment(s) 健康美容,

 

天氣太熱啦~所以, 日日都開住25度以下嘅冷氣, 但係一出街, 又會一冷一熱, 咁就好易"感"親, 宜家分享一D小貼士俾大家預防感冒啦:

 

1.  充夠嘅休息

 

感冒好多時都係經人傳染, 而假如你被附近嘅朋友丶同事傳染咗, 其實係唔會即刻發病嘅, 因為任何嘅疾病都有潛服期, 只要喺嗰段時間之內好好休息, 瞓夠8個鐘頭, 就可以將感冒菌打敗。不過, 有朋友建議呢段時間做多D運動去加強抵抗力, 但係其實當身體健康唔在狀態時, 白血球會偏低, 如果再去做運動, 身體只會熬壤咗~

 

 

 

 

2.  少食甜嘢

 

生活壓力好大, 所以大家都會食一D甜嘅食物嚟尋求心情愉快D, 例如: 雪糕丶果汁.......但係呢D都會降低咗負責幫我地打敗病魔嘅白血球能力。要預防感冒, 我地可以當自己開始覺得好攰嗰陣, 就減少食甜嘢, 因為攰其實係感冒嘅初期病徵嚟~

 

 

 

 

 

又有D人話可以喺感冒嗰陣, 飲多幾柸橙汁, 可以多D Vitamin C 嚟抵抗病菌。但係, 感冒通常會伴隨住喉嚨痛, 而橙汁內含嘅酸性會刺激喉嚨, 只會惡化病情。

 

 

溫馨Tips: 仲有WO, 食得太多甜嘢, 會加厚咗皮膚嘅角質, 令到皮膚會老化~

 

 

 

 

3.  均衡飲食

 

 

有營養師指出食物金字塔丶三份蔬菜兩份水果.......呢D都係一D 健康嘅食法, 但是大前提係盡量唔好偏食, 因為每種食物都唔同嘅營養, 只要我地吸收唔到其中一樣, 已經令到營養不均。點解均衡飲食咁重要?  因為有咁嘅基礎之下, 我地先可以製造更多嘅白血球, 身體嘅抵抗力多咗, 自然疾病都離你而去。

 

 

 

另外, 其實好多朋友會因為無足夠嘅精神而食慾不振, 從而形成營養不良, 所以大家一定要有足夠嘅休息。

 

 

 

4.  食大蒜

 

大蒜係近年流行嘅健康食品, 曾經有研究指出一日一大蒜,就可以預防感冒啦, 係因為大蒜入邊有好多可以阻止細菌滋長嘅抗體, 所以有殺菌作用, 有感冒嘅朋友不妨試試~

 

 

而大蒜之中, 最為人熟悉嘅就係黑蒜啦, 皆因佢可以加快新陳代謝同埋令到我地嘅疲勞減到最小, 係預防感冒嘅良藥。

 

另外, 除咗大蒜之外, 黑糖薑茶都係另一個治感冒嘅方法, 因為食完薑後, 會加快咗血液循環, 可以幫助我地排汗, 有助感冒痊癒。

 

 

 

溫馨提示:  只要將蒜蓉碎加入冰糖, 再沖水飲, 就可以治感冒啦~