安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 溶妝?無問題!

溶妝?無問題!

Posted by amylee_admin 2018-06-05 0 Comment(s) 健康美容,

 

 

夏天真係一個又熱又難受嘅季節, 個個女士都愛化妝, 但係天氣異常咁熱, 令到化好嘅妝都溶咗, 想化一個貼服又持久嘅妝容示人, 一D 都唔難, 宜家分享吓一D 化妝心得, 睇吓幫唔幫到大家:

 

1.  妝前準備

 

大家一定知道保濕係溶唔溶妝嘅關鍵, 因為喺化妝前一晚一定要做夠保濕, 例如:  有無做保濕MASK丶每晚有無用保濕精華素.....而喺夏天因為較炎熱, 所以建議面霜方面用蘆薈凝膠, 比較保濕之餘, 又唔會令到面部出現油光。

 

 

 

 

2.  妝前乳使用

 

好多朋友都會忽略咗呢個Step, 其實係超級重要嫁~因為佢可以令到化妝品唔會直接咁侵蝕D皮膚, 而且又有補水作用。而且, 唔同顏色嘅妝前乳仲有修飾面色嘅作用, 例如: 珠光粉色嘅妝前乳可以令到陰啞嘅皮膚重現光澤, 而綠色嘅妝前乳可以淡化痘痘。而最緊要係妝前乳一定要有防曬功效, 因為喺大熱天時成30幾度, 少D防曬度, 除了會令到個人嘅皮膚會變黑咗之外, 仲會出油而溶妝嫁~

 

 

 

 

3.  化妝品使用

 

夏天, 我會建議大家用氣墊粉底。想唔溶妝, 輕盈透薄嘅粉底至是大家妝容凡嘅持久之道, 皆因如果大家化得太厚妝, 一旦溶妝起嚟好難處理浮粉。而韓國流行嘅Cushion Powder 採用咗海綿輕壓嘅方式, 唔會一次過塗大量嘅粉底, 而且用海綿儲存嘅粉底液濕度會比較高, 會更加易貼妝嫁。其實, 想補妝嘅次數少D, 可以喺"T字位"嘅位置用Cushion Powder輕輕再印印, 個妝會無咁易溶嫁~

 

 

 

另外, 本身嘅化妝品保濕度同防曬度都要比較高, 至可抵受咁熱嘅天氣!  而眼妝方面, 盡量用一D防水防汗嘅化妝品, 咁至可Keep到個妝唔溶~

 

 

 

 

4.  補妝保濕

 

除咗妝前要補水足夠之外, 中間嘅時間都要補濕, 講嘅就係用補濕精華噴霧。喺補妝時, 大家要用吸油紙吸走面部嘅油分, 再噴上補濕精華噴霧, 為皮膚注滿水分, 自然唔怕溶妝呢~