安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 唇妝貼士: 劃出持久完美色彩

唇妝貼士: 劃出持久完美色彩

Posted by amylee_admin 2018-06-06 0 Comment(s) 健康美容,

 

 

每位女士都鍾意化妝出街, 但係對一個妝容而言, 唇妝都係好緊要。要化唇妝, 一D都唔難, 但要化一個唔洗補得好厲害嘅唇妝就可以參考吓下面啦:

 

 

 

 

1.  化妝前一晚做夠補水

 

 

成日都化妝, 好易令到嘴唇變乾嫁, 有咩辦法?  自然就係補水啦, 但唔係指飲多D 水, 而係令到嘴唇充滿水分。我地可以化妝前一晚做吓唇膜, 可以買市面嘅唇膜, 又或者DIY 一D唇膜, 下面有D 製作方法:

 

 

 

方法(1):  蜂蜜唇膜

 

直接將蜂蜜塗上喺自己嘴唇上, 再鋪一片保鮮紙, 5分鐘之後, 你會發現太乾嘅死皮會留咗喺保鮮紙上。

 

呢種做法可以幫你換膚之餘, 仲可以同你嘅嘴唇補濕, 又可以減少唇紋嫁~

 

 

 

方法(2):  蜜蠟唇膜

 

做法會比起蜂蜜唇膜複雜D, 但可以唔洗用保鮮紙嘅~將蜂蜜丶砂糖丶凡士林同埋杏仁油混起來(注意:  每種材料都係一茶匙)。再將混合物直接塗上嘴唇, 等約3分鐘就可以用水沖走。

 

呢種做法好適合唔想被保鮮紙黏住嘴唇嘅朋友仔, 大家可以試試~

 

 

 

 

2.  上妝前用護唇膏保濕

 

喺化唇妝之前, 要擦護唇膏做底, 因為可以為嘴唇注滿水分, 易D上妝, 又可以防止唇色直接接觸到皮膚。

 

 

 

 

 

3.  用唇筆鎖定唇形

 

呢個Step 我地好多時會忽略, 因為覺得可以憑感覺直接將唇彩劃出嚟, 但係原來濕潤度高嘅唇筆既可以令到唇妝keep 得耐D, 又可以塑造出完美嘅唇形, 因為無咁易劃出界嫁~

 

 

 

 

溫馨提示:  有星級化妝師曾經話原來我地喺上咗唇膏之後, 可以用吸油紙印一印多餘嘅光澤面, 再用唇膏再薄薄地咁上多一次, 會令到唇妝 Last 得耐D嫁~而想唇色均衡D, 可以用手指以點嘅方式去塗唇膏, 咁樣唔會用唇膏太多而變得唔自然~

 

 

 

 

 

4.  用碎粉定妝

 

正如面部化妝一樣, 任何妝都要定妝, 唇妝都唔例外。喺做哂上面嘅步驟之後, 當然要用碎粉喺唇部定一定妝, 咁至可以持久D~想再持久?  建議可以買防水防汗嘅唇膏或者唇彩啦~