安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 多飲檸水原來可以咁!

多飲檸水原來可以咁!

Posted by amylee_admin 2018-06-22 0 Comment(s) 健康美容,

 

 

 

近年來, 愈來愈多人鍾意飲檸水, 又話佢可以治病, 皮膚又好D呀......但係, 大家又知唔知檸水嘅好處有幾多, 而且食佢時亦都有注意嘅地方:

 

 

1.  醒酒良藥

 

 

 

愛酒之人一定要記得飲佢啦, 皆因佢可以幫助我地消除飲完酒之後嘅腸胃不適。而傳統嘅韓國人仲用佢再加埋蜜糖同山藥一齊拌勻成果汁嚟解酒嫁, 大家不妨試試~

 

 

2.  消滯解渴

 

 

大家都知道檸檬嘅酸性好強, 因此如果我地食得太多熱氣食物, 例如:  著條丶天婦羅......可以飲多幾柸檸水。佢可以中和油膩嘅食物, 仲可以平衡埋我地體內嘅酸鹼度嫁。

 

 

 

另外, 氣溫上升令到我地成日流汗, 喺流失大量嘅水分時, 會感到口渴, 呢個時候大家不如唔飲汽水, 改飲冰檸水。有時, 我地飲完汽水之後, 再過一陣就會再想飲嘢。汽水嘅糖分好高, 如果我地經常飲, 會好易體重上升嫁。相反, 檸水嘅酸性唔單止可以止渴, 佢嘅水果纖維仲可以俾我地有飽肚感, 達到埋減肥嘅功效添!

 

 

3.  強勁嘅Vitamin C

 

 

 

含有豐富嘅Vitamin C, 檸水可以加強我地嘅免役力之餘, 仲有美容功效。有研究顯示, 飲得檸水多, 皮膚都白滑D, 因為Vitamin C可以擊退黑色素, 又可以補充水分俾肌膚, 自然又年輕幾歲啦~

 

 

 

不過, 都有D注意事關於食檸檬嘅, 俾大家參考吓:

 

 

1.  切開嘅檸檬唔好等太耐至用, 因為檸檬好易氧化嫁

 

 

2.  唔好空肚直接飲檸水。由於檸檬嘅PH 值達到2.5以下, 每個人嘅胃未必可以接受到。所以, 大家最好食少少嘢至好飲檸水啦~

 

 

3.  飲完檸水後, 一定要刷牙。檸檬嘅營養價值好高, 但係都有糖分同酸度, 呢D都會破壞我地牙齒嘅琺瑯質嫁~