安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 點打腮紅至可以自然迷人?

點打腮紅至可以自然迷人?

Posted by amylee_admin 2018-07-04 0 Comment(s) 健康美容,

 

 

夏日想化個自然迷人嘅妝?  原來, 打腮紅都要一D技巧, 而且用得好仲可以秀面添:

 

 

 1.  選同脣色同一色調

 

 

顏色有唔同色調, 有粉紅系丶橙色系丶棕色系丶櫻紅系丶酒紅系……其實要化一個自然嘅妝, 脣色一家要同腮紅係同一色系, 因為咁樣先唔會令到妝容太多重點, 而變得唔自然。

 

 

脣色係珠光色嘅淺橙色, 而腮紅就用同一色系嘅橙棕色, 令到妝容集中喺眼部嘅神采, 自然會俾人一種素顏嘅感覺~

 

 

 2.  印喺手上先打落面上

 

 

化任何妝時, 千萬唔好直接將化妝品塗到皮膚上。例如:  我地掃腮紅時, 可以先印喺手上,再掃落面上, 咁樣可以避免一次過落太多腮紅, 令到妝容更加自然。

 

 

而先將腮紅印落手上都有另一好處, 就係試吓用嘅腮紅適唔適合你嘅膚色啦。其實大家嘅膚色都唔同, 所以揀嘅腮紅要因應有所改變:

 

 

比較白皙嘅膚色可以試吓粉紅系嘅腮紅, 可以塑造出白裡透紅嘅效果架~

 

 

如果係比較偏黃嘅朋友, 可以用一D自然棕色或者酒紅系嘅腮紅, 可以增加面部嘅色彩同輪廓架~

 

 

而屬於自然嘅小麥色皮膚嘅朋友, 就可以用同皮膚相近嘅橙色系腮紅, 可以盈造出美肌嘅亮感。

 

 

 

 

3.  打腮紅嘅方法

 

 

 

想打一個靚又自然嘅腮紅, 請大家笑一笑啦。因為大家笑嗰陣, 可以更加突顯面部輪廓, 方便我地打腮紅。由鼻孔上一點斜上去, 到咗眼嘅位置向下一少少斜掃, 再用腮紅掃用筆畫圓圈咁由內到外推, 一個完美嘅腮紅就完成啦, 大家可以試試~

 

 

 

4.  新手唔太建議用腮紅液

 

 

 

宜家嘅腮紅唔再係粉餅形式, 已經推出咗好多液狀, 其實新手唔太建議用液狀, 因為可能會一次過落得太多到面度。除咗難控制量之外, 要畫好腮紅會比起粉末更費時架~