安全配送服務
安裝CIAOGOGO App
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼

化咗妝=無化妝? 輪廓再現?

Posted by amylee_admin 2018-04-25 0 Comment(s) 健康美容,

 

 

 

為咗個樣可以又自然又靚靚咁示人, 大家真係搞盡腦汁, 又保濕又護膚。以下係一啲心得可以同大家分享:

 

1.  打好底妝

 

喺落遮瑕膏之前, 一定要涂粉底液, 咁樣用遮瑕膏嘅量唔會咁多, 化嘅妝都會無咁厚身, 自然D, 皮膚又唔會直接咁接觸到化妝品, 一舉兩得! 而皮膚唔太濕嘅sis, 建議用一啲濕度比較高嘅粉底液, 上妝都易D !

 

 

 

2.  倒三角法化妝

 

最近熱爆嘅倒三角法化妝, 大家一定聽過。但其實點用呢?  好簡單, 譬如話: 想遮黑眼圈, 咁我地可以想像黑眼圈下面有個倒三角形,沿著三角形嘅方向, 向入推咁涂遮瑕膏。

 

 

 

咁樣焦點就會喺眼嘅內角, 會令到好似有部打光機喺眼底, 對眼有神采之餘, 仲可遮到黑眼圈。

 

 

同樣原理, 將呢個方法放喺臉頰, 就會有修面嘅功效, 仲可以令到皮膚白裡透紅嘅光澤, 係咪好神奇呢?  所以, 唔洗用好多化妝品, 都可化個自然嘅妝容, selfie時都可以靚女D 啦!

 

 

3.   提升輪廓同有秀面

 

其實只需喺面嘅輪廓用少許深色嘅遮瑕膏做陰影, 咁樣輪廓會深D, 唔洗再靠美圖秀秀啦! 最好嘅位置就喺鼻樑嘅正中間同埋面嘅T字位打, 會有最理想嘅效果。如果用比你皮膚淺一啲嘅遮瑕膏喺眼嘅前端, 後端同埋眉下掃少少遮瑕膏, 效率真係好靚嫁, 大家不妨試吓!

 

 

 

 

4.  綠色遮瑕, 豆豆無有怕

 

好多時, 當我地生咗啲豆豆, 就會用好多遮瑕膏遮著, 但係咁樣會令到妝好厚同埋好易令到遮瑕涂得唔平均。呢個時候我地就用綠色嘅遮瑕膏, 因為可以淡化紅印, 再用同自己膚色相似嘅遮瑕膏薄薄咁涂上去, 效果會好靚嫁~