安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 健康美容 » 美麗日誌: 控出清爽細嫩肌膚

美麗日誌: 控出清爽細嫩肌膚

Posted by amylee_admin 2018-05-10 0 Comment(s) 健康美容,

 

 

 

唉!又要擦面油, 點解咁多嫁? 有無急救吓我啲面油, 日日都係咁, 用幾多吸油紙都無用嘅, 不如大家睇吓下面有無啲習慣做咗?

 

 

Q1:  每日有無清潔面部最少1次?

 

如果有嘅話, 證明大家都注意面部嘅健康。其實, 每日最好清潔面部2次係最理想嘅。但如果3次, 就可能將面嘅角質層磨壞, 破壞咗佢保濕能力, 面無足夠嘅水分, 就會好易乾, 面油就會出現啦~

 

溫馨提示: 喺清角質層時, 都要輕力一啲, 至可以保護皮膚免受外力嘅傷害。

 

 

 

Q2: 1星期有無做mask最少2-3次?

 

無嘅朋友仔要注意啦, MASK 對於我地面部護理係好重要, 特別係清潔MASK。要有效咁控制油分, 泥類嘅MASK比較有效, 例如: 石泥丶海底泥因為有豐富嘅礦物質, 能夠吸走面部多餘嘅油分, 而佢因為粒子比較細, 所以可以深入到毛孔, 清潔到皮膚嘅底層嫁。

 

溫馨提示: 建議唔好做泥類嘅MASK太耐, 最多都係13分鐘, 因為泥類太耐會吸走埋面部嘅水分, 面會再出油。

 

 

 

 

Q3: 1星期內有無食煎炸食物超過3次?

 

其實, 如果面油過多, 都唔建議食煎炸食物。但係, 如果有時忍唔住嘅話, 1星期最多只可2次。

 

 

Q4: 有無暗瘡太多用手擠?

 

 

如果面油過多, 暗瘡就會易形成, 用手擠只會將手指甲入面嘅細菌帶到暗瘡, 治標不治本, 仲會令到暗瘡惡化。其實, 最近流行用茶樹嘅產品嚟抗面油, 因為茶樹係植物, 無添加, 對皮膚嘅負擔無太大。而茶樹仲有消炎暗瘡嘅作用, 又可以平衡油脂分秘。而最大嘅功能就係減壓。面部嘅分秘唔平衡, 好大嘅原因係壓力, 而茶樹嘅芳香可以令人心曠神怡, 減少壓力, 自然面油都唔會咁多啦!

 

 

溫馨提示: 唔想用茶樹, 其實可以用茶葉或者洗米水嚟洗面嚟控油, 而且仲有抗氧化, 對皮膚好有益之餘, 仲有美白作用嫁~