疾病對於唔同嘅人來講, 都有唔同嘅意義, 有D人可能會成日病, 又有D人可以一年至病得幾次, 其實人人都試過病, 都係原來一D日常生活習慣係會增加生病嘅頻率, 不如大家睇睇下面:

Q1.  每日食甜嘢嘅次數有無超過2次?

雖然大家一家知道食得甜嘢多, 蛀牙都會多D。但係, 原來唔同嘅人食甜嘢, 對身體都有唔同嘅影響。其實, 皮膚病嘅朋友建議少食D啦, 因為甜嘅食物會令皮膚嘅基層受損, 仲會刺激D皮膚, 加劇咗皮膚發炎嫁~

另外, 最緊要係糖分太高, 會影響血糖, 從而影響心臟功能, 產生疾病。

而小朋友食得太多人造糖分, 會對糖產生咗依賴, 變得愈來愈想食糖, 一發不可收拾。仲有WO, 有研究顯示原來食得糖多, 會影響佢地嘅腦部發育同學習能力嫁~

不過, 對於鍾意食糖嘅朋友而言, 一時要佢地減糖係好困難嘅。其實, 果糖比起人造糖較為對身體好, 而且甜度一定比起人造糖低, 例如: 鮮榨嘅果汁都係一個唔錯嘅選擇。

又或者大家可以飲蜜糖, 因為佢可以刺激腸胃蠕動, 增加身體排毒功能, 又可以中和平時食得太多油炸食物, 喉嚨痛都少D嫁

Q2:  每日有無飲夠8柸水?

其實飲唔飲得夠水, 係會影響我地身體機能。有人話一個人唔食3日嘢但有飲水分仍然可以生存, 可想而之水嘅重要性。因為飲唔夠水, 我地嘅肝臟同腎臟功能會弱咗, 影響我地嘅排毒系統。相反, 如果每日我地都有足夠嘅水分, 除咗可以加強肝腎功能, 仲可以美容功效嫁~例如: 我地喺夏天會易出豆豆係因為出了好多面油, 而面油係因為面上無足夠嘅水分。所以只要我地飲夠8柸水, 豆豆少D啦, 皮膚疾病自然離你愈遠~仲有WO, 飲夠8柸水, 仲可以平衡我地嘅血壓, 預防埋心臟病嫁。

另外, 如果早上飲一柸開水嘅話, 可以清清腸胃, 大家不妨試試!

Q3:   1 星期發脾氣嘅次數有無3次以上?

大家發脾氣嘅原因可能係壓力過大, 因為每個人都要面對唔同嘅問題, 喺家庭丶學業上, 甚至喺工作上如果唔能平衡, 好易會形成壓力。但係, 千萬唔好睇小壓力問題, 據美國研究指出原來高壓力者比起有朋友支持嘅低壓力者更易患上感冒, 證明壓力會影響一個生病嘅機會率。而且, 有壓力嘅朋友多數會因為覺得煩惱而增加食欲, 但又因為壓力而失眠, 咁樣嘅情況下會影響排毒系統嫁。想減壓, 好容易, 就係運動, 除咗可以減壓之外, 仲可增加流汗, 自然人都精神D, 百毒不侵啦。例如: 跑步丶最近流行嘅BOXING。

BOXING 可以發洩情緒又可以加速流汗, 係近年來好多女仔熱衷嘅運動之一。