安全配送服務
安裝CIAOGOGO App
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼

“醒”胃我有法

Posted by amylee_admin 2018-05-29 0 Comment(s) 健康美容,

 

 

 

大家好多時會關注到肝臟丶肺部等等。但係, 其實胃都好重要嫁。聰明嘅你如果一不留神, 好易會引起胃痛, 甚至胃癌嫁。不如大家睇睇有無吓面嘅疑問:

 

 

1.  牛奶對胃部有益, 大家應該飲多D?

 

其實, 任何食物即使有幾多營養, 都唔可以過量。牛奶含大量嘅鈣質, 可以幫助發育嘅小朋友成長。而且, 佢仲會喺胃度形成咗保護膜, 令胃部健康生長。如果喺飲酒前飲少少, 可以避免酒精直接咁落到胃嫁~

 

 

好多朋友都會朝早飲牛奶, 其實會建議食少少嘢至飲牛奶, 因為咁樣可以令到個胃活動起來, 會無咁傷胃, 畢竟牛奶係可以刺激胃部。所以, 胃酸過多嘅朋友唔太建議飲得太多。

 

 

仲有BO, 其實溫牛奶會比起凍牛奶無咁傷胃嫁, 而且仲有安眠作用~

 

 

 

 

2.  唔好食太多辣椒, 好傷胃嫁?

 

已經有好多研究指出辣椒其實對胃部有好處, 因為佢可以促進血液循環, 加強心臟功能同埋預防心血管病。仲有, 我地喺辣椒時會出好多汗, 其實都係排毒嘅一種方式。另外, 食少量嘅辣椒可以控制胃酸分泌同有修復作用。其實, 辣椒都有好多種類, 例如: 甜椒丶指天椒......

 

 

因為有豐富嘅Vitamin C, 可以減輕膽臟病。

 

 

宜家好多藥膳都用咗辣椒做材料, 可想而言佢嘅好處幾多呢!

 

 

3.  食粥可以對胃好D?

 

 

粥係屬於流質, 有D人話咁樣會減慢胃嘅消化功能。但係, 對於一D消化唔好嘅朋友嚟講, 可以減少對胃嘅負擔, 俾胃多咗空間去運動, 例如: 食D魚粥丶玉米粥等等

 

 

 

不過, 胃酸太多嘅朋友唔建議食太多啦~

 

 

4.  飯後食水果可以幫助消化?

 

任何食物進入胃度都要消化, 水果都唔例外。即使水果有好多纖維來刺激腸部蠕動, 有助消化, 但係都係仍然要靠胃嘅功能。食飯時, 我地已經食咗好多食物落胃度消化, 如果再食水果, 胃部會消化唔來嫁, 所以最好飯後30分鐘至好食水果啦~