我地好多時去日本係為咗睇櫻花, 但係大家有無諗過日本仲有其他植物可以欣賞嘅, 宜家就介紹3種日本喺夏天度盛產嘅靚花俾大家啦~

1.  繡球花

大家都一定知道繡球花多數都係結婚至用嘅, 所以佢亦象徵住美滿團聚。而每年嘅六月頭, 都係繡球花盛開嘅季節, 因為佢係隨住梅雨而生長嘅。講起日本嘅繡球花, 就一定要嚟到日本沖繩嘅 “Yohena 繡球花園”, 皆因所有生長嘅繡球花都係由Yohena女士親力親為咁種嫁, 睇住真係少D心機都唔可能種到好似去咗世外桃源咁~

兩旁嘅繡球花好似夾道歡迎大家嘅來臨咁~

成個山頭唔只有藍色嘅繡球, 仲有蓮花丶秋海棠……

婷婷玉立咁茁壯成長嘅唔同顏色繡球花都特別可愛, 難怪每年有好多旅客遠道到呢度睇咁迷人嘅繡球花啦~

俾個TIPS大家:  到咗6月頭, 呢度每逢星期日都會舉行小型音樂會嫁, 大家可以邊聽住沖繩嘅音樂, 邊睇住咁美麗嘅繡球花。另外, 喺“Yohena 繡球花園”仲設有Café俾大家可以品嗜吓當地特有嘅新鮮果汁。

2.  芝櫻

其實佢嘅一種貌似櫻花嘅花, 我地都知道櫻花係一棵棵嘅榭生出嚟, 而芝櫻喺種喺地上面。芝櫻寓意住希望幸福, 所以想找點幸福嘅朋友可以去遊覽吓東藻琴芝櫻公園。

其實, 睇到咁壯觀嘅花海由唔同品種嘅芝櫻組成, 一層層漸變嘅美麗粉色, 但係美麗嘅背後都需要付出嘅, 講嘅就係呢度原本係無植物生長, 而由中鉢末吉先生由一棵嘅芝櫻用咗8年時間至可以種出呢遍花海!

沿着山坡而上, 睇到咁美麗動人嘅粉紅色芝櫻, 有無燃點咗你人生嘅一點希望呢?

另外, 除咗可以賞花之外, 仲可以去泡足湯去一洗旅行嘅疲勞, 又或者可以食吓當地嘅芝櫻雪糕嫁~

3.  鬱金香

大家千萬唔好俾鬱金香呢個名而產生錯覺, 覺得佢係好悲觀憂鬱, 其實唔同顏色嘅鬱金香都有唔同嘅花語~今次帶大家去千葉嘅佐倉故鄉廣場。點解要特別揀呢度睇鬱金香?皆因有個大型風車, 在日本嘅江戶時代, 有好多荷蘭嘅醫學人士去咗佐倉附近做文化交流, 所以留下咗一D文化嘅建築,所以喺佐倉故鄉廣場亦都有一個24小時開放嘅荷蘭庭園, 入邊仲種咗風順子嫁~

在歐陸式風車底下嘅鬱金香, 有別於日本本土嘅花卉, 另一番風味~

呢度嘅鬱金香有成一百種, 正如之前提到唔同顏色嘅鬱金香有唔同嘅意思:  粉紅色嘅因為嬌小可愛, 所以表示美麗幸福, 而鮮紅色嘅代表熱情如火, 有愛意嘅意思, 大家可以去嗰度睇吓搵唔搵到你嘅花語~