雖然日本嘅櫻花季已經過咗, 今年睇唔到櫻花嘅朋友仔唔洗擔心, 因為只要做掟好搵全日本櫻花打卡嘅熱點, 下次去就唔洗咁煩惱啦:

1.  靜岡嘅大井川鐵道

今次我地除咗會徙步欣賞之外, 仲會搭另一樣交通功具, 就係蒸氣火車啦, 係咪好懷舊呢?  鍾意復古風嘅朋友可以嚟大井川鐵道搭吓由燒煤推動嘅蒸氣火車, 車入邊都係一D古典嘅風扇丶座位.......令人有一種好似遊走舊日本時期嘅懷舊感覺~

蒸氣火車將會帶大家穿越群山同河道, 而兩岸當然有我地嘅主角櫻花陪伴住我地一齊慢遊靜岡。

落咗車之後, 我地會慢走櫻花大道, 呢度長達1公尺, 快D嚟呢度打卡啦。

嘩!鐵路兩旁嘅櫻花雖然長得唔算太高, 但已經成為咗好多日劇嘅拍攝場地啦~

2.  八百萬神之御殿

大家知唔知道點解叫"八百萬神之御殿", 因為呢度D櫻花有成8000幾棵嫁, 全個山頭都染成粉紅色花海, 真係一個夢幻嘅神殿。而且, 八百萬神之御殿係位於海拔400幾米, 由高處望落去, 真係好似美麗山野嘅花園, 令人目不暇給!

八百萬神之御殿嘅吉野櫻花又豈止粉紅色, 仲有其他嘅顏色, 例如:  櫻桃紅丶紫紅色.......唔同程度嘅顏色變化, 造就咗八百萬神之御殿凡特有嘅山頭美景~

垂生嘅櫻花則帶俾人一種淒美嘅感覺~

沿住山路一直往前走, 就好似走進咗一個櫻花淵林咁, 令人留連忘返。

3.  朝日山森林公園

佢係最早可以睇到日出嘅地方, 所以又叫做"朝日山森林公園"。喺呢度大家可以用360度環回咁欣賞多達2000棟嘅櫻花, 足夠大家打卡啦~

公園嘅中間有1 條河道流過, 而河道嘅上面仲架起咗一道圓拱形嘅古道小橋, 保留咗由江戶遺留下來嘅美景。

朝日山森林公園仲係好適合一家大細去賞櫻嘅景點, 因為公園設有好多唔同嘅遊樂設施, 例如:  滑梯丶小艇.......話個貼士俾大家, 撐小艇嘅朋友可以感受到當風吹過櫻花時, 而櫻花散落到河水嘅美麗景致嫁~

朝日山森林公園另一大打卡位就係到咗晚上, 燈花亮住的櫻花更顯得可愛迷人。

4.  紫雲出山

呢度嘅櫻花除咗以花嘅美態聞名於海外之外, 佢嘅海山美景簡直好似一幅活生生嘅大自然油畫咁,一望無際嘅水連天, 旁邊再加上粉紅櫻嘅點綴, 真係令人畢生難忘~無論喺黃昏時分或清晨時嘅櫻花都係令人美不勝收, 又點可以唔嚟呢度打卡呢?

喺300幾米海拔之下嘅櫻花, 顯得更璀璨迷人~