安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 北海道賞櫻嘅好去處

北海道賞櫻嘅好去處

Posted by amylee_admin 2018-06-26 0 Comment(s)

 

 

 

雖然已經過咗櫻花季啦, 但係亦都可以做好裝備去日本賞櫻。大家大多去東京丶京都居多, 但其實北海道都有唔少地方可以睇到美美嘅櫻花。

 

 

 1.  北海道神宮

 

 

 

其實佢係北海道古時天皇用嚟對抗外敵嘅神社,粉櫻喺兩旁嘅表參道綻放, 一路向神宮前進, 但風一吹過, 粉櫻從頭上四處散落, 好夢幻呀~

 

 

 

北海道神宮嘅櫻花樹竟然超過1千棵以上, 大家可以欣賞到唔同嘅櫻花品種, 有吉野櫻、八重櫻、千島櫻……連只有北海道獨有嘅罕見品種垂櫻都可以見到嫁~

 

 

而呢度嘅櫻花最大特色係佢會同梅花一齊開花, 原因係以前為咗慶祝天皇即位, 所以喺原生嘅櫻花旁種咗D梅花。所以, 要同時欣賞到兩種花綻放, 只有北海道神宮至可體驗到呢~

 

 

 

大家仲可以飲吓由北海道神宮製作季節限定嘅“神宮之梅”, 其實係由梅同埋櫻花釀製而成, 大家不妨買D番去做手信。

 

 

而唔想飲酒嘅朋友, 可以試吓櫻花茶, 一邊賞花海, 一邊品嚐住由海帶丶黑豆同櫻花泡成嘅花茶, 心靈即時得到治癒。

 

 

 

2.   二十間道路

 

 

 

 

位於小樽嘅二十間道路長達7公尺, 種咗超過3000棵櫻花, 每年嘅夏天都會吸引好多人嚟欣賞呢個盛景嫁。點解會喺柏油道路嘅兩邊種大量嘅櫻花, 其實係因為以前呢度係俾皇室通行嘅道路, 兩排整齊嘅櫻花樹好似夾道歡迎大家嘅到訪咁。

 

 

而櫻花樹後大家有無發現種咗松樹?主要用嚟替櫻花遮擋風雨, 但係剛好同櫻花相映成趣呢~

 

 

二十間道路嘅最後係龍雲閣, 以前係牧場, 宜家係負責收藏一D文物同國寶, 平時係唔供開放嘅, 但係喺櫻花季期間, 大家可以入去參觀吓~旁邊都有美麗嘅櫻花陪襯住, 又係另一個打卡嘅熱點嚟嫁~

 

 

 

 

3.   青葉丘公園

 

 

青葉丘公園可以話係北海道比較歷史悠久嘅公園, 而去到嗰度, 大家會發現櫻花樹都會比較高, 皆因佢地都有100歲以上啦。古老嘅櫻花樹唔會比起現時嘅遜色, 仍然咁美艷動人, 茁壯成長。

 

 

到咗晚上, 兩旁會燃點起燈籠, 古樸嘅粉櫻更顯淒美~

 

 

 

站喺高崇嘅櫻花樹下, 難免有點感覺到自己嘅渺小~

 

 

想欣賞吓百年櫻花, 大家不妨嚟青葉丘公園~