安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 秋田最新推介: teamLab舞動吧！

秋田最新推介: teamLab舞動吧！

Posted by amylee_admin 2018-06-26 0 Comment(s)

 

 

大家見到呢度,係咪以為自己去咗4D博物館呢? 其實係teamLab舉行嘅藝術展而已, 佢地早幾年已經開始喺世界各地舉辦咗好多藝術展, 例如: 韓國丶台灣丶日本……運用光學原理, 令到觀眾更能置身喺藝術品之中。

 

 

 

呢個運用咗燈嘅唔同分佈位置, 形成唔同嘅線條, 塑造出更加立體同迫真嘅空間感。而當參觀者一走近燈時, 燈又會隨即變成唔同嘅顏色同埋發出唔同嘅聲音。這個作品嘅主題是想帶出森林同人嘅關係, 將大量嘅燈比喻為森林, 希望帶出森林同人共融嘅理想國度。

 

 

 

 

 

今年teamLab亦都會由6月開始至到9月2日聯同秋田電視台一齊舉行藝術展。除咗會為大家帶嚟創新嘅驚喜之外, 仲會繼續貫徹帶出人同生物之間嘅關係為主題, 令到大家可以產生共鳴, 反思保肓嘅意識。

 

 

呢個係秋田teamLab藝術展嘅其中一個作品, 主要想帶出其實人同花都要面對一個唔可以改變嘅命運, 就係生命結束。但係, 原來人和花的之間又有一D微妙嘅關係。所以, 當人一靠近作品時, 牆上由燈光投射嘅花卉就會起唔同嘅變化, 影響整個環境。

 

 

大家可以站入畫中, 更加能夠體會到藝術家想表達嘅意思嫁。teamLab用咗美學嘅藝術, 再配以音樂同燈光效果, 刺激大家嘅無限想像空間, 為沉悶嘅生活帶嚟一點創意。

 

 

 

另外, 小朋友都可以試吓玩呢個水果同唔同物體撞擊嘅滑梯,喺玩樂嘅過程之中, 小朋友可能會研究咩事物會影響到滑梯之中栩栩如生嘅水果變化,  從而激發起小朋友嘅腦部發展之餘, 仲可以教佢地認識到美術添, 一舉兩得嫁!

 

 

 

teamLab利用唔同嘅3D立體設計, 層出不窮嘅光感藝術, 令大家更能融入作品之中, 產生唔同嘅感受, 係一個將科技丶藝術同音樂融為一體嘅創舉, 大家不妨嚟秋田睇睇期限推出嘅藝術展~