好多朋友會選擇喺冬季去歐洲之旅, 但其實如果同另一半或者一家人秋天喺嗰陣去, 都會有另一番特別嘅體會架, 宜家就同大家一齊漫走歐洲啦:

 1.  法國嘅阿爾薩斯

嚟到浪漫之都, 法國, 今次唔係同大家去巴黎, 而係阿爾薩斯。遊客去阿爾薩斯係因為嗰度嘅田園過咗秋天之後, 會全部著咗黃色嘅衫, 黃金閃閃發亮嘅園野風景, 彌漫住濃濃嘅秋意, 真係好治癒, 快D同你嘅愛人一齊嚟感受一吓大自然嘅奧妙啦~

阿爾薩斯保留好多15世紀時期嘅建築物, 但係要提到重要嘅文化遺跡, 就不可不提斯特拉斯堡教堂, 屹立喺阿爾薩斯嘅中心, 雖然高祟入雲, 但係古式嘅建築風格啱啱配合住秋天嘅淒美, 帶來另一番浪漫嘅情懷。

此外, 秋天亦都正值收割時期, 所以嚟到阿爾薩斯一定要去葡萄莊園參觀吓採葡萄嘅盛事。呢度就係葡萄莊園啦, 被整個田園包圍住, 係咪覺得又係另一番嘅田園色彩呢?

大家都努力咁採葡萄, 睇到一粒粒如珍珠咁大嘅葡萄, 背後可能隱藏住更多心酸嘅故事, 不禁令人有點可惜。不過, 阿爾薩斯嘅葡萄莊園歷史好悠久架, 所以釀出嚟嘅酒都係經過最傳統嘅製作過程, 口感會更加香醇。

 2.  奧地利嘅維也納

睇到咁平靜嘅湖畔上有小鴨子游過, 大家知唔知道係喺邊度嚟呢?  就係音樂之都, 維也納。

呢度其實係美泉宮, 好多朋友會喺秋天時特地嚟, 因為楓樹徑係熱門嘅打卡區之一。

同另一半手牽手咁漫步喺呢個音樂之都, 又或者可以坐喺長椅度欣賞一棵棵嘅楓葉樹, 偶爾微風吹過楓樹, 片片嘅金葉為愛侶之間形造咗另一番秋之浪漫~

由楓葉襯托之下嘅美泉宮又係另一番淒美~

3.  英國嘅里士滿公園

如果想享受家庭樂, 可以嚟到英國嘅里士滿公園。佢係英國嘅國家公園, 唔單有美麗嘅楓樹依伴喺湖畔, 仲係小鹿嘅聚居地, 因為有超過600隻嘅的鹿仔。

美麗嘅鹿仔生活喺自然嘅楓樹公園, 簡直走入咗一幅活靈活嘅秋色童話, 大家不妨到里士滿公園欣賞吓英國嘅另一面秋之風光啦~

4.  捷克嘅布拉格

走過歐洲嘅西面, 宜家去東歐之一嘅另一美麗城市, 布拉格。佢係歐洲秋天必去嘅城市之一, 因為色彩繽紛嘅古雅建築風, 再加上到處長滿嘅楓樹群, 為布拉格嘅秋色增加咗更多嘅浪漫之情~

無論係倚喺河邊欣賞美景丶走過著名嘅圓拱形大橋, 查理大橋, 又或者慢步喺布拉格嘅街頭, 都被濃厚嘅秋意而感染起嚟。

不過, 布拉格仲有另一個迷人之處, 就係睇日落。同自己嘅另一半一齊欣賞夕陽嘅餘暉曬落喺布拉格上, 亦係秋色之旅嘅尾聲。