安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 飲食健康: 多出你所需!?

飲食健康: 多出你所需!?

Posted by amylee_admin 2018-05-03 0 Comment(s) 健康美容,

 

 

 

任何東西都要適量, 食東西時, 我地都要注意唔好過多, 太多嘅話會導致胃酸倒流, 胃都會痛; 但太少嘅話會營養不良, 所以最近流行七分飽。雖然話應該跟著金字塔就可以, 但係其實實際分量係幾多呀? 唔洗煩惱BO, 只要一隻手就可幫到你:

 

 

 

1.   澱粉類

 

 五穀丶麵粉類等等…….其實係屬於澱粉質, 不過有好多減肥愛靚嘅女士都唔太敢去食澱粉質, 因為怕食多咗會肥。但係, 只需要一隻拳頭嘅分量就足夠平日嘅營養啦。如果怕肥而唔食澱粉質, 個人會好易肚餓同攰, 反而會食更多其他嘅食物, 咁係仲易肥嫁~

 

 

 

好似呢碟番茄雞肉意粉咁, 據資料顯示, 原來意大利人長期食意粉沒有變肥, 反而腰圍仲細咗。而雞肉更係白肉, 所以脂肪含量會比較低。所以, 大家唔洗再咁怕食澱粉類啦!

 

 

2.  蔬果類

 

宜家流行嘅 “三份蔬菜, 兩份水果” , 大家都知道蔬果嘅重要性。因為佢地有好多纖維同維生素, 亦都係全個金字塔入面最有營養嘅一層。但係, 菜都有好多唔同嘅種類, 如果係椰菜丶白菜…….我地大概食一個拳頭嘅分量,  但如果係豆類嘅話, 就會食半個拳頭左右; 而水果大約食一個拳頭嘅分量。不過, 有啲水果都唔可以食咁多, 例如: 香蕉嘅卡路里會比較高丶牛油果嘅脂肪亦都比較高……但要記著無論蔬果點樣對身體有益, 都唔可以代替澱粉類。

 

 

 

教大家一個方法: 如果將啲生果切都細細粒咁, 除咗容易啲食之外, 細粒嘅生果會容易令人有錯覺, 覺得自己食多咗, 無咁易肚餓去食更多其他嘅零食嫁~

 

 

3.  肉類

 

“我唔食肉嫁”又或者 “咁多肉!我唔想食咁多, 好易肥嫁” 但係肉有好多蛋白質同埋脂肪,  當然唔可以食太多, 所以一隻手掌心嘅分量已經足夠我地一日嘅分量。但是, 建議食瘦肉, 因為佢比起肥肉健康, 會較易消化。

 

 

呢道青椒炒肉絲嘅肉分量唔會佔得太多, 剛剛同青椒嘅比例係1:1, 豬肉有蛋白質同鐵質, 較易消化, 而青椒除咗有豐富嘅維生素之外, 仲可以將多餘嘅膽固醇排出體外, 達到減肥嘅功效, 最重要嘅係可以減輕疲勞!