去台北唔一定去shopping 或者食嘢嘅, 可以有一啲唔同嘅體驗, 例如: 行吓山丶望下海, 充實下自己, 又可以做下運動, keep 吓fit:

郊區

1.  石門嘅老梅石槽

睇到上面咁靚嘅景, 係唔係有點衝動想即刻去呢?

其實, 佢係由火山爆發同風化而成嫁, 本身係一個岩石, 但係火山爆發之後出現咗大家見到嘅岩逢, 又再被海水侵蝕。至於, 點解會有海藻覆蓋著, 因為到咗春天時, 吹緊季候風再加埋海水, 自然岩石面生咗好多唔同嘅藻類植物, 真係罕見!而潮漲同潮退都有另一留景象嫁, 大家可以喺唔同嘅時候去, 睇到嘅石槽都會唔同啲呢!

由石槽望過去嘅大海同日落, 真係美不勝收~

溫馨提示: 大家上了岩石要小心啲, 因為岩石表面有植物, 小心會滑倒!仲有WO, 大家盡量唔好踏落海藻上, 因為會破壞當地嘅生態嫁~另外, 當地定時都會有類似導賞嘅人士話卑大家知更多嘅詳情。

2.  不厭亭

Wow, 呢個樣有啲似電腦入邊啲wallpaper, 但係佢係真實嘅, 無3D 加工, 佢就係沿著上不厭亭嘅山路, 好多遊客都會喺度selfie 嫁~

其實, 佢都係喺九份附近, 不過上去嘅路唔太平坦, 大家都要小心啲

由不厭亭望落去, 大家可以睇到雙溪區同埋出名瀑布嘅三貂嶺, 大家仲可以睇到山天連一線, 無高樓嘅阻擋, 真係可以真真正正咁享受到大自然嘅魅力所在。

3.  基隆嘅象鼻石

象鼻石雖然同老梅石槽一樣都係經過岩石被侵蝕風化嘅過程, 但係去嘅路會比起老梅石槽更加險要。象鼻石因為俾海水侵蝕咗, 至會喺岩石中間出現咗一個大洞。

遠睇真係幾似一個象鼻, 而象鼻嘅鼻頭可以行落去, 但係唔太建議, 因為一不小心, 就會掉咗去海入面

除咗睇象鼻之外, 海附近仲有好多奇形怪石, 係咪好似蜂巢咁, 啱哂鍾意探險嘅一族~

4.  金山嘅八煙聚落

大家喺咪好似入咗畫入面咁呢?

無錯啦! 佢就係喺陽明山嘅八煙聚落, 但點解叫做 “八煙聚落”呢? 皆因佢嘅地勢比較高, 所以霧會比較多, 再加上佢附近有一個溫泉, 就係 “野溪溫泉”, 所以會有一層霧咁~

落咗山之後嘅夕陽同咁靚嘅湖景相映成趣~

喺八煙聚落, 大家會見到梯田, 雖然係人工嘅, 但係都好有詩意~

仲有BO, 大家仲有機會體會到當地嘅風土人情, 例如: 拜訪石屋……

5.  石碇區嘅千島湖

“千島湖”係好出名喺中國, 但係台灣都有千島湖, 不過喺石碇區。去到“千島湖”, 大家可以睇到大大小小唔同嘅湖, 就好似被所有嘅島抱著咁, 同大自然融為一體。

大家除咗可以睇到大大小小唔同嘅湖, 嗰度仲有茶園可以參觀嫁~

一行行梯田種植, 加上天然嘅水源, 種出嚟嘅茶葉一定好好飲, 所以大家不妨買啲茶葉番屋企品嗜。

市區

1.  文化大學後山情人坡

佢係位於文化大學嘅附近, 行上去大約15分鐘左右, 情侶必到嘅打卡勝地, 但係建議大家夜晚去, 因為啲建築物好似發光咁。

2.  象山嘅親山步道

唔洗去台北101, 都可以睇到台北靚景? 如果想一家大細行山之餘, 仲睇到台北靚景, 可以行下親山步道, 可以一覽無際台北嘅全景觀。 而且如果喺日落嗰時到, 仲可以見到色彩繽紛嘅雲海嫁!

溫馨提示: 如果3丶4月嚟行親山步道, 有機會見到山櫻~