安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 笑出智慧寶

笑出智慧寶

Posted by amylee_admin 2018-05-21 0 Comment(s) 健康美容,

 

 

 

好多父母都關心BB嘅成長, 就連佢地瞓覺個表情都會留意到, 仲成日問 “點解呀兒同女瞓覺都會笑嘅? 會唔會腦部有點問題? ” 其實, 笑住瞓代表你嘅BB 好有智慧。

 

 

曾經有外國研究比較一班早啲識瞓住笑嘅BB同遲啲識瞓住笑嘅BB,發現原來識瞓住笑嘅BBIQ 比起遲啲識嘅更高, 因為笑係表示你嘅大腦活躍, 所以有唔同嘅喜怒哀樂表情, 而笑係表示BB嘅心情好愉快。

 

 

 

不過, 男仔會比女仔遲發育, 所以如果遲啲識瞓住笑, 都唔太大問題!

 

 

其實, BB 識笑住瞓有好多原因:

 

 

1.   心理影響

 

BB一出生時, 最接觸得多就係父母, 所以父母成日同BB玩, 又教佢地單字丶認圖……BB會不自覺同父母之間增加親切感, 因為嚟到呢個陌生嘅世界, 好似多咗個伴咁, 會更加安心, 自然發嘅夢都會甜啲啦~

 

媽媽會教BB拍手掌或者砌玩具, BB都樂趣無窮~

 

 

喺心理學上, BB係從周圍嘅環境學習成長。父母例如睇到喜劇會笑, 而BB如果長時間睇到咁嘅情況, 佢一睇到喜劇會條件反射咁笑啦~所以, 可能BB 可能因為白天有樣學樣地笑得太多,令到瞓覺時都會笑。

 

 

另外一個原因就係人與人之間有聯繫嘅, 例如: 當一個人對另一個人禮貌時, 嗰個人都變得有禮貌。將同樣道理放喺BB度, 如果家人日日對住BB 笑, 自然BB都會笑起嚟~

 

 

 

 

2.   社會影響

 

BB出咗世一段時間之後, 會漸漸探索呢個世界, 例如, 學行路丶上一啲playgroup, 甚至開始睇卡通片同埋學游水等等, 每日都過住不一樣嘅奇妙歷險咁, 令到BB嘅腦部受到外來新事物嘅刺激, 處於一個活躍嘅狀態, 所以喺休息時大腦可能再出現經歷過嘅片段, 所以會喺瞓時笑咗出嚟~

 

 

 

 

所以, “笑一笑, 世界更美妙” 都可以用喺智慧寶度。